നാറ്റ് പാക് പരിശീലനം
ആപത്ക്കര വസ്തുക്കളുടെ സുരക്ഷിത ഗതാഗതത്തിനു ഡ്രൈവര്മാര്ക്കുളള ത്രിദിന പരിശീലനം ഏപ്രില് 27, 28, 29 തീയതികളില് നാറ്റ്പാക്കിന്റെ ആക്കുളം പരിശീലന കേന്ദ്രത്തില് നടക്കും. സ്ഫോടക വസ്തുക്കള്, എല്.പി.ജി തുടങ്ങിയ പെട്രോളിയം ഉല്പ്പന്നങ്ങള്, രാസപദാര്ഥങ്ങള് എന്നിവ സുരക്ഷിതമായി കൈകാര്യം ചെയ്യല്, സുരക്ഷിത ഗതാഗതം സംബന്ധിച്ച് ഡ്രൈവര്മാര്ക്ക് ലൈസന്സ് ലഭിക്കുന്നതിനുളള ശാസ്ത്രീയ രീതികള് തുടങ്ങിയവയിലാണ് പരിശീലനം നല്കുന്നത്. ഫോണ് : 0471 – 2779200, 9074882080.
ലേലം
മൂഴിയാര് പോലീസ് സ്റ്റേഷന് പുതിയ കെട്ടിടം നിര്മ്മിക്കുന്നതിനായി സീതത്തോട് വില്ലേജില് സര്വേ നമ്പര് 1238/2 ല്പെട്ട 09.05 ആര് പുറമ്പോക്ക് ഭൂമിയില് നിലവിലുളള പഴയ കെട്ടിടങ്ങളും കെട്ടിടാവശിഷ്ടങ്ങളും പൊളിച്ചു മാറ്റാനുളള ലേലം ഏപ്രില് 30 ന് രാവിലെ 11 ന് മൂഴിയാര് പോലീസ് സ്റ്റേഷനില് നടക്കും. ദര്ഘാസുകള് മുദ്ര വെച്ച കവറില് ഏപ്രില് 27 ന് വൈകുന്നേരം അഞ്ചിന് മുമ്പായി മൂഴിയാര് എസ്.എച്ച്.ഒ മുമ്പാകെ ഹാജരാക്കണം. ഫോണ് : 0468 – 2222630.
ടെന്ഡര്
പത്തനംതിട്ട ജില്ലാ പോലീസ് മേധാവിയുടെ ഓഫീസില് കോമ്പ്രിഹെന്സീവ് ആനുവല് മെയിന്റനന്സ് കോണ്ട്രാക്ട് (സി.എ.എം.സി) പ്രകാരം ശബരിമലയിലേക്ക് മൂന്നു വര്ഷത്തേക്ക് ഡോര് ഫ്രെയിം മെറ്റല് ഡിറ്റക്ടര്, മൈന് സ്വീപ്പര്, നോണ് ലീനിയര് ജംഗ്ഷന് ഡിറ്റക്ടര്, എക്സ്റേ ബാഗേജ് സ്കാനര്, ഹാന്ഡ് ഹെല്ഡ് മെറ്റല് ഡിറ്റക്ടര്, സേര്ച്ച് ലൈറ്റ് തുടങ്ങിയ സുരക്ഷാ ഉപകരണങ്ങള് ലഭ്യമാക്കുന്നതിന് അംഗീകൃത സ്ഥാപനങ്ങളില്/ വ്യക്തികളില് നിന്നും ടെന്ഡര് ക്ഷണിച്ചു. ടെന്ഡര് സ്വീകരിക്കുന്ന അവസാന തീയതി ജൂണ് 24 ന് വൈകുന്നേരം ആറു വരെ. ഫോണ് : 0468 – 2222630.
