തെങ്ങിന്തൈ വിതരണം
അത്യുത്പാദന ശേഷിയുള്ള മികച്ചയിനം തെങ്ങിന് തൈകള് ആവശ്യമുള്ളവര് പത്തനംതിട്ട കൃഷിഭവനില് ബന്ധപ്പെടണമെന്ന് കൃഷി ഫീല്ഡ് ഓഫീസര് അറിയിച്ചു. ഫോണ്: 9745523550.
മൃഗസംരക്ഷണ പദ്ധതികള്ക്ക് ധനസഹായം
റീബില്ഡ് കേരള പദ്ധതി പ്രകാരം പശു, കിടാരി, ആട്, കോഴി, താറാവ് വളര്ത്തല്, തൊഴുത്ത് പുനരുദ്ധാരണം, യന്ത്രവത്ക്കരണം, തീറ്റപ്പുല്കൃഷി, കാലീത്തീറ്റ എന്നിവയ്ക്ക് ധനസഹായം ആവശ്യമുള്ള പത്തനംതിട്ട നഗരപരിധിയിലുള്ള കര്ഷകര് ഈ മാസം 24ന് വൈകീട്ട് മൂന്നിനകം ജില്ലാ വെറ്ററിനറി കേന്ദ്രത്തില് അപേക്ഷ നല്കണം. 2018ലെ പ്രളയത്തില് നഷ്ടമുണ്ടായവര്ക്ക് മുന്ഗണനയുണ്ട്. അപേക്ഷാഫോറം ജില്ലാ വെറ്ററിനറി കേന്ദ്രത്തില് ലഭിക്കും. ഫോണ്: 0468 2270908.
ഹാന്ടെക്സില് ഓണം റിബേറ്റ് വില്പ്പന തുടങ്ങി
പത്തനംതിട്ട കോളജ് റോഡില് പ്രവര്ത്തിക്കുന്ന ഹാന്ടെക്സ് ഷോറൂമില് ഓണം റിബേറ്റ് വില്പ്പന ആരംഭിച്ചു. കൈത്തറി തുണിത്തരങ്ങള്ക്ക് ഇരുപത് ശതമാനം ഗവണ്മെന്റ് റിബേറ്റ്, 10 ശതമാനം സ്പെഷ്യല് ഡിസ്കൗണ്ട് എന്നിവ കൂടാതെ ബാങ്ക് ക്രെഡിറ്റ്- ഡെബിറ്റ് കാര്ഡിന് 10 ശതമാനം അധിക ഡിസ്കൗണ്ടും ലഭിക്കും. സര്ക്കാര്, അര്ധ സര്ക്കാര്, പൊതുമേഖലാ സ്ഥാപനങ്ങളിലെ ജീവനക്കാര്ക്ക് തവണ വ്യവസ്ഥയില് 10000 രൂപ വരെ ഉപാധികളോടെ തുണിത്തരങ്ങള് വാങ്ങാം. ബെഡ്ഷീറ്റുകള്, വിവിധതരം മുണ്ടുകള്, സാരികള്, കൈലികള്, ടൗവലുകള് തുടങ്ങിയവ ഡിസ്കൗണ്ട് വിലയില് ലഭ്യമാണ്. ഈ മാസം 30 വരെ റിബേറ്റ് വില്പ്പന തുടരും.
സൗജന്യ ധനസഹായം
സ്വകാര്യ മോട്ടോര് മേഖലയില് ജോലി ചെയ്യുന്നതും നിലവില് മോട്ടോര് തൊഴിലാളി ക്ഷേമനിധിയില് രജിസ്റ്റര് ചെയ്തിട്ടില്ലാത്തതുമായ സ്കാറ്റേഡ് വര്ക്കേഴ്സ്, പാസഞ്ചര് ഗൈഡുകള്, ഡ്രൈവിംഗ് സ്കൂള് ജീവനക്കാര് എന്നീ വിഭാഗങ്ങളിലെ തൊഴിലാളികള്ക്ക് കോവിഡ്-19ന്റെ ഭാഗമായി 1000 രൂപ സൗജന്യ ധനസഹായം അനുവദിക്കും. അപേക്ഷ അനുബന്ധ രേഖകള് സഹിതം മോട്ടോര് തൊഴിലാളി ക്ഷേമനിധി ജില്ലാ ഓഫീസില് എത്തിക്കണം. അപേക്ഷാഫോറം kmtwwfb.org എന്ന വെബ്സൈറ്റില് ലഭ്യമാണ്. ഫോണ്: 0468 2320158, 918851985
