പത്തനംതിട്ട : ഇന്ത്യൻ നാഷ്ണൽ ലീഗ് ജില്ലാ പ്രവർത്തക കൺവൻഷൻ മാർച്ച് 14 ന് രണ്ടു മണിക്ക് പത്തനംതിട്ട ശാന്തി ഓഡിറ്റോറിയത്തിൽ നടക്കുമെന്ന് ജില്ലാ പ്രസിഡന്റ് ബിജു മുസ്തഫ, ജനറൽ സെക്രട്ടറി എ.എസ്.എം. ഹനീഫ എന്നിവർ അറിയിച്ചു. സംസ്ഥാന അഡ്ഹോക് കമ്മിറ്റി അംഗവും മുൻ സംസ്ഥാന ജനറൽ സെക്രട്ടറിയുമായ കാസിം ഇരിക്കൂർ, ജില്ലാ റിട്ടേണിംഗ് ഓഫീസറും നാഷ്ണൽ ലേബർ യൂണിയൻ സംസ്ഥാന പ്രസിഡന്റുമായ എ.പി. മുസ്തഫ എന്നിവർ പങ്കെടുക്കും. അംഗത്വ വിതരണത്തിന്റെ ഭാഗമായി ചേരുന്ന കൺവൻഷനിൽ വിവിധ പാർട്ടികളിൽ നിന്നും വന്ന പ്രവർത്തകർക്ക് സ്വീകരണവും നൽകും.
