കണ്ണൂര്: കണ്ണൂരില് യുവാവിന്റെ ഇന്സ്റ്റഗ്രാം അക്കൗണ്ട് ഹാക്ക് ചെയ്ത് പെണ്കുട്ടികള്ക്ക് അശ്ലീല സന്ദേശങ്ങള് അയച്ചതായി പരാതി. കാറ്ററിംഗ് സ്ഥാപന ഉടമയായ ഷെനിര്ന്റെ ഇന്സ്റ്റഗ്രാം അക്കൗണ്ടില് നിന്ന് രാത്രി പന്ത്രണ്ട് മണിക്ക് ശേഷമാണ് പെണ്കുട്ടികള്ക്ക് മെസേജുകള് പോയത്. പരിചയക്കാരായ സ്ത്രീകള് അറിയിച്ചപ്പോഴാണ് യുവാവ് സംഭവം അറിയുന്നത്.
മുപ്പതോളം സ്ത്രീകള്ക്കാണ് അശ്ലീല സന്ദേശങ്ങള് എത്തിയത്. മലയാളത്തിലായിരുന്നു സന്ദേശങ്ങള്. താന് ഉറങ്ങിയതിന് ശേഷമാണ് മെസേജുകള് പോയതെന്നും മെസേജ് കിട്ടിയ ചില സുഹൃത്തുക്കള് ഫോണ് വിളിച്ചു പറയുമ്പോഴാണ് സംഭവമറിഞ്ഞതെന്നും ഷാനിര് പറയുന്നു.