ഷാര്ജ : ഐപിഎല് ഫൈനലില് ചെന്നൈ സൂപ്പര് കിംഗ്സിന്റെ എതിരാളികളെ ഇന്ന് അറിയാം. രണ്ടാം ക്വാളിഫയറില് ഡല്ഹി കാപിറ്റല്സും കൊല്ക്കത്ത നൈറ്റ് റൈഡേഴ്സും ഏറ്റുമുട്ടും. ഷാര്ജയില് ഇന്ത്യന് സമയം രാത്രി 7.30 നാണ് മത്സരം. ഇരുവരും നേര്ക്കുനേര് വരുന്ന 29-ാം മത്സമാണിത്. കൊല്ക്കത്ത 15 ലും ഡല്ഹി 12 മത്സരങ്ങളിലും ജയിച്ചു. ഒരു കളി ഉപേക്ഷിക്കുകയായിരുന്നു. സീസണില് രണ്ടു തവണ ഏറ്റുമുട്ടിയപ്പോള് ഇരുടീമും ഓരോ കളിയില് ജയിച്ചു.
ഇന്ത്യന് പാദത്തില് ഡല്ഹി ഏഴ് വിക്കറ്റിന് ജയിച്ചപ്പോള് യുഎഇ പാദത്തില് കൊല്ക്കത്ത മൂന്ന് വിക്കറ്റിന് ജയിച്ചു. 228 റണ്സാണ് ഡല്ഹിയുടെ ഉയര്ന്ന സ്കോര്. 210 റണ്സ് കൊല്ക്കത്തയുടെ ഉയര്ന്ന സ്കോറും. ഡല്ഹിയുടെ കുറഞ്ഞ സ്കോര് 98. കൊല്ക്കത്തയുടെ കുറഞ്ഞ സ്കോര് 97 റണ്സും.