ഇരിക്കൂര്‍ : സര്‍ക്കിള്‍ ഇന്‍സ്പെക്ടര്‍ വി.എസ്. നവാസ് ഉള്‍പ്പെടെയുള്ള പോലീസുകാര്‍ക്കുനേരെ കൈയേറ്റമുണ്ടായ സംഭവത്തില്‍ 30 മുസ്ലിം യൂത്ത് ലീഗ് പ്രവര്‍ത്തകര്‍ക്കെതിരെ കേസെടുത്തു. ഇരിക്കൂര്‍ ഡയനാമോസ് ഗ്രൗണ്ടിനു പരിസരത്തെ ക്വാര്‍ട്ടേഴ്സിനു സമീപം മണ്ണിട്ട് നികത്തിയ തോട് യൂത്ത് ലീഗ് പ്രവര്‍ത്തകര്‍ ശുചീകരണത്തിനിടെ തുറന്നിരുന്നു. മഹല്ല് കമ്മിറ്റിയുടെ നേതൃത്വത്തിലാണ് തോട് മണ്ണിട്ട് നികത്തിയത്. ഇത് പഴയതുപോലെയാക്കാനുള്ള ശ്രമത്തിനിടയിലാണ് കൈയേറ്റമുണ്ടായത്.
