റാന്നി: ഇട്ടിയപ്പാറ ബൈപ്പാസ് റോഡിലെ കണ്ടനാട്ട് പടിയിൽ അപകടകെണിയായി മാറിയ കുഴികൾ അടച്ച് കോൺക്രീറ്റ് ചെയ്യാൻ തീരുമാനമായി. കഴിഞ്ഞ ദിവസം പെയ്ത മഴയിൽ വെള്ളം കെട്ടി കിടന്ന് ആഴമറിയാതെ ചാടി മൂന്ന് ഇരുചക്ര വാഹനങ്ങളാണ് അപകടത്തിൽപ്പെട്ടത്. സി.പി. ഐ റാന്നി മണ്ഡലം എക്സിക്യൂട്ടീവ് കമ്മിറ്റിയംഗം വി.ടി. ലാലച്ചൻ ഓടിച്ചിരുന്ന ബൈക്ക് അപകടത്തിൽപ്പെട്ട് ഭാര്യ സൂസി റാന്നി താലൂക്ക് ആശുപത്രിയിൽ ചികിത്സ തേടിയിരുന്നു. തിരക്കേറിയ റോഡിലെ കുഴികൾ അടയ്ക്കണമെന്ന് അങ്ങാടി ഗ്രാമ പഞ്ചായത്ത് വൈസ് പ്രസിഡൻ്റ് പി. എസ്. സതീഷ് കുമാർ കെ.ആർ.എഫ് ബി. എക്സിക്യൂട്ടീവ് എൻജിനീയറോട് ആവശ്യപ്പെട്ടിരുന്നു. തുടർന്ന് എക്സിക്യൂട്ടീവ് എൻജിനീയർ ബി. ദീപ, അസിസ്റ്റന്റ് എക്സിക്യൂട്ടീവ് എൻജിനീയർമാരായ പി.എം. മീര, മനേഷ് എന്നിവർ സ്ഥലത്തെത്തി പരിശോധന നടത്തി. പഞ്ചായത്ത് ഭരണസമിതിയംഗങ്ങളുമായും ഇവർ ചർച്ച നടത്തി. ഏറ്റവും അടുത്ത ദിവസം തന്നെ കുഴിയുള്ള അത്രയും ഭാഗം കോൺക്രീറ്റ് ചെയ്യും. അതിനായി പേട്ട – കണ്ടനാട്ട് പടി റോഡിൽ ഒരു രാത്രി പോലീസിൻ്റെ സഹകരണത്തോടെ ഗതാഗതം നിരോധിക്കും. കെ. ആർ. എഫ്.ബി അധികൃതരുമായി നടന്ന ചർച്ചയിൽ പഞ്ചായത്ത് പ്രസിഡൻ്റ് അഡ്വ.ബിന്ദു റെജി, വൈസ് പ്രസിഡൻ്റ് പി. എസ്. സതീഷ് കുമാർ എന്നിവർ പങ്കെടുത്തു.
WANTED MARKETING MANAGER
സംസ്ഥാനസര്ക്കാരിന്റെ ഇന്ഫര്മേഷന് & പബ്ലിക് റിലേഷന്സ് ഡിപ്പാര്ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് (www.pathanamthittamedia.com) മാര്ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
