മഞ്ഞിനിക്കര : മിടുക്കിൻ്റെ പിന്നാലെ പോയാൽ ജീവിതം സന്തോഷകരമായില്ലയെന്നും, ക്ഷമിക്കാനും പൊറുക്കാനും ചെറുതാകാനും മനുഷ്യൻ ശ്രമിക്കണം, എങ്കിൽ മാത്രമേ ദൈവത്തെ അറിയാൻ സാധിക്കുകയുള്ളൂ പെട്ടെന്നുള്ള അത്ഭുതങ്ങളിലൂടെ ദൈവത്തെ കാണാനാണ് മനുഷ്യന് താൽപര്യം ഇത്തരത്തിലുള്ള കാഴ്ചപ്പാടാണ് മനുഷ്യനെ ശൂന്യതയിലേക്ക് എത്തിക്കുന്നത്. നിക്കോദിമോസിൻ്റെ ബുദ്ധിയല്ല വേണ്ടത് , പത്രോസിന്റെ അജ്ഞതയാണ് വേണ്ടത്. ദൈവിക ഇടപെടലുകൾ മനുഷ്യജീവിതത്തിൽ എപ്പോഴും ഉണ്ടാകുന്നുണ്ട് അത് തിരിച്ചറിയാൻ മനുഷ്യന് കഴിയണം . ജീവിതത്തിലൂടെ ദൈവത്തെ സാക്ഷീകരിക്കാനും ശ്രമിക്കണമെന്ന് ഫാ . ഷോബിൻ ഏലിയാസ് വ്യക്തമാക്കി. മഞ്ഞിനിക്കര പെരുന്നാളിനോടനുബന്ധിച്ചുള്ള സുവിശേഷ കൺവെൻഷനിൽ പ്രസംഗിക്കുകയായിരുന്നു അദ്ദേഹം.
കൺവെൻഷൻ ബേസിൽ റമ്പാൻ ഉദ്ഘാടനം ചെയ്തു. ചടങ്ങിൽ പെരുന്നാൾ കൺവീനർ ജേക്കബ് തോമസ് മാടപ്പാട്ട് കോർ എപ്പിസ്കോപ്പ, ഫാദർ’ ബോബി ജി വർഗീസ് , ഫാദർ എബി സ്റ്റീഫൻ , ഫാദർ ബെൻസി മാത്യു , തുടങ്ങിയവർ പ്രസംഗിച്ചു. കൂടാതെ ഇന്ന് രാവിലെ 9 30ന് തുമ്പമൺ ഭദ്രാസന വനിതാ സമാജം ധ്യാനയോഗം മോർ മിലിത്തിയോസ് യൂഹാനോൻ മെത്രാപ്പോലീത്ത ഉദ്ഘാടനം ചെയ്യും. ഫാദർ സാംസൺ മേലത്ത് ധ്യാന പ്രസംഗം നടത്തും. വൈകിട്ട് 6 30ന് ഗാനശുശ്രൂഷയും ഏഴുമണിക്ക് ഫാദർ ബേസിൽ മുഴുവന്നൂർ സുവിശേഷ പ്രസംഗം നടത്തും
