ദില്ലി: സുഡാനിലെ ഇന്ത്യക്കാരുടെ അവസ്ഥയെ കോണ്ഗ്രസ് രാഷ്ട്രീയവല്ക്കരിക്കുകയാണെന്ന് വിദേശകാര്യ മന്ത്രി എസ് ജയശങ്കര്. വിദേശത്തുള്ള ഇന്ത്യക്കാരെ അപകടത്തിലാക്കുന്ന് ഒരു തിരഞ്ഞെടുപ്പ് ലക്ഷ്യവും ന്യായീകരിക്കില്ലെന്നും അദ്ദേഹം പറഞ്ഞു. സുഡാനില് കുടുങ്ങിയ കര്ണാടകയില് നിന്നുള്ള 31 ആദിവാസികളെ സര്ക്കാര് ഒഴിപ്പിച്ചില്ലെന്ന് ആരോപിച്ച കോണ്ഗ്രസ് നേതാവ് സിദ്ധരാമയ്യയുടെ ട്വീറ്റിന് മറുപടി പറയുകയായിരുന്നു കേന്ദ്രമന്ത്രി.
‘നിങ്ങളുടെ ട്വീറ്റില് പരിഭ്രാന്തിയുണ്ട്! ജീവനുകള് അപകടത്തിലാണ്. രാഷ്ട്രീയം കളിക്കരുത്.’, അദ്ദേഹം ട്വീറ്റ് ചെയ്തു. ഏറ്റുമുട്ടല് ആരംഭിച്ചതുമുതല് ഇന്ത്യന് എംബസി സുഡാനിലെ മിക്ക ഇന്ത്യന് പൗരന്മാരുമായും ബന്ധപ്പെട്ടിട്ടുണ്ട്. ഒറ്റപ്പെട്ടുപോയ ഇന്ത്യക്കാരുടെ സഞ്ചാരം നിയന്ത്രിച്ചിട്ടുണ്ടെന്നും അദ്ദേഹം വ്യക്തമാക്കി.
