ചെങ്ങന്നൂര് : കേന്ദ്ര സര്ക്കാര് പദ്ധതിയായ പ്രധാനമന്ത്രി ഭാരതീയ ജന് ഔഷധി കേന്ദ്രം തിരുവന്വണ്ടൂര് ക്ഷേത്ര ജംഗ്ഷനു സമീപം പ്രവര്ത്തനമാരംഭിച്ചു. ഗ്രാമപഞ്ചായത്ത് പ്രസിഡന്റ് ബിന്ദു കുരുവിള ഉദ്ഘാടനം നിര്വ്വഹിച്ചു. ബിജെപി ജില്ലാ പ്രസിഡന്റ് എം.വി ഗോപകുമാര് ആദ്യവില്പന നിര്വ്വഹിച്ചു. രാജ്യത്തെ സാധാരണക്കാരായിട്ടുള്ള ജനങ്ങള്ക്ക് വളരെ കുറഞ്ഞ വിലയില് കൂടുതല് ഗുണമേന്മയുള്ള ജീവന് രക്ഷാ മരുന്നുകള് എത്തിക്കാന് ഭാരത സര്ക്കാര് വളരെ ബൃഹത്തായിട്ട് ആവിഷ്കരിച്ച പദ്ധതിയാണ് ജന് ഔഷധി. ഇതിന്റെ ഗുണങ്ങള് ഗ്രാമഗ്രാമാന്തരങ്ങളില് ഇന്ന് ലഭിച്ചുകൊണ്ടിരിക്കുകയാണെന്നും ആദ്യ വില്പന നിര്വ്വഹിച്ചുകൊണ്ട് എം.വി ഗോപകുമാർ പറഞ്ഞു. വാര്ഡ് അംഗം പുഷ്പകുമാരി മൂരുത്തിട്ട, ഗ്രാമപഞ്ചായത്തംഗങ്ങളായ നിഷ ടി നായര്, ശ്രീവിദ്യാ സുരേഷ്, കെ.ആര് രാജ് കുമാര്, സജു ഇടയ്ക്കല്ലില്, ബ്ലോക്ക് അംഗങ്ങളായ ടി.ഗോപി, രശ്മി സുഭാഷ് വിവിധ രാഷ്ടീയ സംഘടനാ നേതാക്കൾ തുടങ്ങിയവര് ചടങ്ങില് സംസാരിച്ചു.
