ചെങ്ങന്നൂര് : കേന്ദ്ര ഗവ.പാര്ലമെന്റില് അവതരിപ്പിച്ച ജന വിരുദ്ധ ബഡ്ജറ്റില് പ്രതിഷേധിച്ച് സി.ഐ.ടി.യു ചെങ്ങന്നൂര് ഏരിയാ കമ്മിറ്റിയുടെ നേതൃത്വത്തില് പ്രതിഷേധ ധര്ണ നടന്നു. ചെങ്ങന്നൂര് മാര്ക്കറ്റ് ജംഗ്ഷനില് നടന്ന ധര്ണ സി.പി.ഐ എം ഏരിയാ സെക്രട്ടറി അഡ്വ.എം.ശശികുമാര് ഉദ്ഘാടനം ചെയ്തു. സി.ഐ.ടി.യു ഏരിയാ പ്രസിഡന്റ് എം.കെ മനോജ് അദ്ധ്യക്ഷത വഹിച്ച യോഗത്തില് റെജി മോഹന്, കെ.കെ.ചന്ദ്രന്, പി.ആര് രമേശ് കുമാര്, പി.ഡി സുനീഷ് കുമാര്, ബിനു, സെബാസ്റ്റ്യന്, മനു എം തോമസ്, സജീവ്കടുനാല്, എ.ജി അനില് കുമാര്, വി.ജി മോഹനന്. എന്നിവര് സംസാരിച്ചു.
