കോഴിക്കോട്: ജനതാദള് എസ് -എല്.ജെ.ഡി ലയനം ഉടന് യാഥാര്ഥ്യമാവുമെന്നാണ് പ്രതീക്ഷയെന്ന് മന്ത്രി കെ. കൃഷ്ണന്കുട്ടി. ജനതാദള് എസ് ഉത്തരമേഖല നേതൃ കണ്വെന്ഷനുശേഷം മാധ്യമ പ്രവര്ത്തകരോട് സംസാരിക്കുകയായിരുന്നു അദ്ദേഹം.
എല്.ജെ.ഡിയുടെ സംസ്ഥാന പ്രസിഡന്റുമായി ഈ വിഷയത്തില് നേരത്തെ ചര്ച്ച നടത്തിയിരുന്നു. അപ്പോഴദ്ദേഹം അനുകൂല നിലപാടാണ് സ്വീകരിച്ചത്. ഈ മാസം തന്നെ ലയനം യാഥാര്ഥ്യമാവുമെന്നാണ് കരുതുന്നത്. നിയമസഭ തെരഞ്ഞെടുപ്പിലെ സീറ്റിന്റെ കാര്യം നോക്കിയല്ല ലയനം. രാജ്യം അടിയന്തിരാവസ്ഥയേക്കാള് അതിഭീകര ഘട്ടത്തിലൂടെ കടന്നുപോവുേമ്ബാള് ചെറുത്തുനില്പ്പിന് സോഷ്യലിസ്റ്റുകളുടെ ഏകീകരണം വേണം. വടകര സീറ്റിന്റെ കാര്യത്തിലുള്പ്പെടെ തര്ക്കമില്ല.
ഒരുപാര്ട്ടിയാവുമ്പോള് സീറ്റിനെ ചൊല്ലി തര്ക്കമുണ്ടാവില്ല. എച്ച്.ഡി. കുമാരസ്വാമിയുടെ ബി.ജെ.പി അനുകൂല നിലപാട് ചൂണ്ടിക്കാട്ടിയപ്പോള് അങ്ങനെയൊന്നില്ലെന്ന് ദേവഗൗഡ തന്നെ വ്യക്തമാക്കിയതാണന്നായിരുന്നു മന്ത്രിയുടെ മറുപടി.
