കോന്നി : ലോക കാൻസർ ദിനത്തിൽ ജീവനം കാൻസർ സൊസൈറ്റിയുടെ നേതൃത്വത്തിൽ കോന്നിയില് നടന്ന കാന്സര് ബോധവൽക്കരണ പ്രചാരണവും ലഘുലേഖ വിതരണവും അഡ്വ.കെ.യു. ജനീഷ് കുമാർ എം.എല്.എ ഉദ്ഘാടനം ചെയ്തു. മാറിവരുന്ന ജീവിത ശൈലിയും വിഷാംശം കലർന്ന ആഹാര രീതിയുമാണ് കാൻസർ വർദ്ധിക്കുവാൻ കാരണമെന്ന് കോന്നി എം.എല്.എ പറഞ്ഞു.
യോഗത്തിൽ ജീവനം ജില്ലാ പ്രസിഡന്റ് രമേശ് ആനപ്പാറ അദ്ധ്യക്ഷത വഹിച്ചു. കോന്നി ഗ്രാമ പഞ്ചായത്ത് വൈസ് പ്രസിഡന്റ് റോജി ഏബ്രഹാം മുഖ്യപ്രഭാഷണം നടത്തി. ജീവനം കാൻസർ സൊസൈറ്റിയുടെ ജില്ലാ സെക്രട്ടറി എ.ഷെഫീക്ക് പത്തനംതിട്ട, ഐ.എച്ച.ആര്.ഡി കോളേജ് അസിസ്റ്റന്റ് പ്രൊഫ. എസ്. അരുൺ,
അഡ്വ. രേഷ്മ രാജേഷ്, ടോമിൻ ടി. വർഗ്ഗീസ്, സാജൻ പി സാം, എ. ഷെഫീന, ആരതി എന്നിവർ പങ്കെടുത്തു.
