തിരുവനന്തപുരം: ജ്വല്ലറി ഉടമകളില് നിന്ന് ലക്ഷങ്ങള് തട്ടിയ രണ്ടുപേര് പിടിയില്. ചേര്ത്തല സ്വദേശി സുമേഷ്, കിളിമാനൂര് സ്വദേശി അരുണ്കുമാര് എന്നിവരെയാണ് മൈസൂരില് നിന്ന് ആറ്റിങ്ങല് പോലീസ് അറസ്റ്റ് ചെയ്തത്. പ്രതികള് കര്ണാടക, തമിഴ്നാട് സംസ്ഥാനങ്ങളില് ഒളിവില് കഴിയുകയായിരുന്നു. പണം നല്കാമെന്ന് പറഞ്ഞ് ലക്ഷങ്ങളുടെ ആഭരണങ്ങളാണ് ഇവര് തട്ടിയെടുത്തത്. മൈസൂരില് നിന്നാണ് ഇവര് പിടിയിലായത്.
ഇവര് ആറ്റിങ്ങല് പാടിക്കവിളാകം ക്ഷേത്രത്തിലെ പൂജാരിമാരായി സേവനം അനുഷ്ഠിച്ചു വരികയായിരുന്നു. ഇതിനിടയിലാണ് ആറ്റിങ്ങല് കേന്ദ്രീകരിച്ച് പ്രവര്ത്തിക്കുന്ന ജ്വല്ലറി ഉടമകളില് നിന്നു പണം നല്കാമെന്ന് പറഞ്ഞു ആഭരണങ്ങള് വാങ്ങി മുങ്ങിയത്. ഏകദേശം ഒരു കോടിയില് രൂപയുടെ പണവുമായാണ് ഇവര് കടന്നു കളഞ്ഞത് എന്ന് പോലീസ് പറഞ്ഞു. രണ്ടു പേര്കൂടി ഈ കേസില് പിടിയിലാവാന് ഉണ്ട്.
