ഇടുക്കി : ഇരട്ടയാറിലെ എയ്ഞ്ചല് ജ്വല്ലറി ഉടമയെ കുത്തി കൊലപ്പെടുത്താന് ശ്രമം. ഈട്ടിത്തോപ്പ് സ്വദേശി മനീഷ് ആണ് അറസ്റ്റില് ആയത്. ഇരട്ടയാറിലെ എയ്ഞ്ചല് ജ്വല്ലറി നടത്തുന്ന എഴുകുംവയല് സ്വദേശി സിജോയെ ആണ് കൊലപ്പെടുത്താന് ശ്രമിച്ചത്.
സെപ്റ്റംബര് മാസം 30-ാം തീയതി രാത്രിയാണ് സംഭവം നടന്നത്. പഴയ സ്വര്ണ്ണം കുറഞ്ഞ വിലയ്ക്ക് വില്ക്കാമെന്ന് പറഞ്ഞ് നേരത്തെ മനീഷ് സിജോയുമായി ഡീലുറപ്പിച്ചു. ധാരണ പ്രകാരം പണവുമായി വന്ന സിജോയെ മനീഷ് കുത്തിക്കൊലപ്പെടുത്താന് ശ്രമിച്ച ശേഷം ആറ് ലക്ഷം രൂപ തട്ടിയെടുക്കുകയായിരുന്നു.
സിജോയുടെ പരാതിയില് പോലീസ് മനീഷിനെതിരെ കേസെടുത്തു. ഒളിവില് പോയ പ്രതിയെ കട്ടപ്പന ഡി.വൈ.എസ്.പി യുടെ നേതൃത്വത്തിലുള്ള സംഘമാണ് പിടികൂടിയത്. സിജോയില് നിന്നും തട്ടിയെടുത്ത പണം പോലീസ് കണ്ടെടുത്തിട്ടുണ്ട്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.