പത്തനംതിട്ട : ജില്ലാ പഞ്ചായത്തിലേക്കുള്ള 16 സീറ്റുകളില് 14 ല് കോണ്ഗ്രസ് സ്ഥാനാര്ത്ഥികളായി. സ്ഥാനാര്ത്ഥിപ്പട്ടിക കെ.പി.സി.സി യുടെ അനുമതിക്കു സമര്പ്പിച്ചു. 2 സീറ്റുകള് കേരളാ കോണ്ഗ്രസ് ജോസഫ് ഗ്രൂപ്പിന് നല്കി.
ഗ്രാമപഞ്ചായത്തുകളില് 80% സീറ്റുകളിലും സ്ഥാനാര്ത്ഥി പട്ടികക്ക് ജില്ലാ സ്ക്രൂട്ടിനി കമ്മിറ്റി അംഗീകാരം നല്കി. നാല് നഗര സഭകളിലും സ്ഥാനാര്ത്ഥി പട്ടിക പുറത്തിറക്കി. എല്ലാ ബ്ലോക്ക് പഞ്ചായത്തുകളിലെയും സ്ഥാനാര്ത്ഥി പട്ടികക്ക് അംഗീകാരം നല്കി. ജില്ലാതല സമിതിയുടെ അംഗികാരം ലഭിച്ച സ്ഥാനാര്ത്ഥികള് തിങ്കളാഴ്ച മുതല് നാമനിര്ദ്ദേശ പത്രിക നല്കി തുടങ്ങും. മുന് കാലങ്ങളെ അപേക്ഷിച്ച് യുവാക്കള്ക്ക് മുന്തിയ പരിഗണനയാണ് ലഭിച്ചത്. യൂത്ത് കോണ്ഗ്രസ് സമര്പ്പിച്ച പട്ടികയില് വിജയ സാധ്യതയുള്ളവര്ക്കെല്ലാം സീറ്റു നല്കി.
ഡി.സി.സി പ്രസിഡന്റ് കണ്വീനറായുള്ള സമിതിയില് എം.പി മാരായ ആന്റോ ആന്റണി, അടൂര് പ്രകാശ്, കെ.പി.സി.സി ജനറല് സെക്രട്ടറിമാരായ അഡ്വ. കെ. ശിവദാസന് നായര്, അഡ്വ. പഴകുളം മധു, പി. മോഹന്രാജ്, കെ.പി.സി.സി സെക്രട്ടറി സതീഷ് കൊച്ചുപറമ്പില്, യു.ഡി.എഫ് കണ്വീനര് എ. ഷംസുദ്ദീന് എന്നിവര് അംഗങ്ങളാണ്.
ജില്ലാ പഞ്ചായത്ത് സ്ഥാനാര്ത്ഥികളുടെ പേര് വിവരങ്ങള്
1. ചിറ്റാര് – ബിനിലാല്
2. കോന്നി – അജോമോന്
3. പ്രമാടം – റോബിന് പീറ്റര്
4. ഏനാത്ത് – സി. കൃഷ്ണകുമാര്
5. കോഴഞ്ചേരി – മോളി ബാബു
6. മലയാലപ്പുഴ – സാമുവല് കിഴക്കുപുറം
7. കോയിപ്രം – 1. അനീഷ് വരിക്കണ്ണാമല, 2. ലാലു തോമസ്.
8. അങ്ങാടി – ജെസ്സി അലക്സ്
9. ഇലന്തൂര് – എം.ബി സത്യന്
10. ആനിക്കാട് – ഓമന റ്റി.കെ
11. മല്ലപ്പള്ളി – അഡ്വ. വിബിത ബാബു
12. കൊടുമണ് – ലക്ഷ്മി അശോക്
13. പള്ളിക്കല് – സുധാ കുറുപ്പ്
14. കുളനട – ജി. രഘുനാഥ്
15. പുളിക്കീഴ് – കേരളാ കോണ്ഗ്രസ്
16. റാന്നി – കേരളാ കോണ്ഗ്രസ്
