പത്തനംതിട്ട : പത്തനംതിട്ട ജില്ലയിലെ വെക്കേഷണൽ ഹയർസെക്കൻഡറി പാസായ ഉദ്യോഗാർത്ഥികൾക്കായി വി എച്ച് എസ് ഇ കരിയർ ഗൈഡൻസിൻറെയും ജില്ലാ എംപ്ലോയ്മെൻറ് എക്സ്ചേഞ്ച്ൻറെയും ആഭിമുഖ്യത്തിൽ കുമ്പഴ എം പി വി എച്ച് എസിൽ വെച്ച് നടത്തിയ ജില്ലാതല തൊഴിൽമേള ആൻറോ ആൻറണി എംപി ഉദ്ഘാടനം ചെയ്തു.
നഗരസഭ അധ്യക്ഷൻ അഡ്വ. സക്കീർ ഹുസൈൻ അധ്യക്ഷതവഹിച്ച യോഗത്തിൽ, നഗരസഭാ കൗൺസിൽ അംബികാ വേണു, അസിസ്റ്റൻറ് ഡയറക്ടർ സിന്ധു ആർ, ജില്ലാ എംപ്ലോയ്മെൻറ് ഓഫീസർ ഉണ്ണികൃഷ്ണൻ ബി എസ്, കരിയർ ഗൈഡൻസ് സംസ്ഥാന കോർഡിനേറ്റർ റിയാസ് എ എം, സ്ക്കൂൾ പ്രിൻസിപ്പാൾ ദിപു ഉമ്മൻ,കെ ശ്രീ കുമാർ, റോജി പോൾ ഡാനിയേൽ, എന്നിവർ പ്രസംഗിച്ചു. എൻജിനീയറിങ്, മെഡിക്കൽ, അഗ്രികൾച്ചർ, ലൈവ് സ്റ്റോക്ക്, കൊമേഴ്സ്, ടൂറിസം, ജനറൽ മേഖലകളിലായി അഞ്ഞൂറിൽപരം ഉദ്യോഗാർഥികളും 32 കമ്പനികളും മേളയിൽ പങ്കെടുത്തു. 310 പേരെ തെരഞ്ഞെടുക്കുകയും അതിൽ 128 പേർക്ക് നിയമനം നൽകുകയും ചെയ്തു.
