ഇന്ത്യൻ ബാങ്കിൽ ജോലി കരസ്ഥമാക്കാൻ ഉദ്യോഗാർത്ഥികൾക്ക് അവസരം. സീനിയർ മാനേജർ, മാനേജർ എന്നീ തസ്തികകളില് 350 ഒഴിവുകളാണ് റിപ്പോർട്ട് ചെയ്തിരിക്കുന്നത്. സീനിയർ മാനേജർ (സ്കെയിൽ 3) വിഭാഗത്തിൽ 75 ഒഴിവുകളും മാനേജർ (സ്കെയിൽ 2) വിഭാഗത്തിൽ 260 ഒഴിവുകളുമാണ് ഉള്ളത്. അസിസ്റ്റന്റ് മാനേജർ (സ്കെയിൽ 1) വിഭാഗത്തിൽ 15 ഉം ക്രെഡിറ്റ് ഓഫിസർ/ഫിനാൻസ് ഓഫിസർ/എഫ്എ 250 ഒഴിവുകളും കംപ്യൂട്ടർ/ഐടി എൻജിനീയർ തസ്തികകളിൽ 25 ഒഴിവുകളും റിസ്ക് ഓഫിസർ തസ്തികയിൽ 15 ഒഴിവും റിപ്പോർട്ട് ചെയ്തിട്ടുണ്ട്.
ചാർട്ടേഡ് അക്കൗണ്ടന്റ് 10 ഒഴിവുകളും, ആർക്കിടെക്ട്/എൻജിനീയർ തസ്തികയിൽ 5 ഒഴിവുകളും, വെൽത്ത് മാനേജർ തസ്തികയിൽ 5 എന്നീ ഒഴിവുകളുമാണ് ഉള്ളത്. ഓൺലൈൻ പരീക്ഷയുടെയും അഭിമുഖത്തിന്റെയും അടിസ്ഥാനത്തിലായിരിക്കും ഉദ്യോഗാർത്ഥികളെ തെരഞ്ഞെടുക്കുക. ഉദ്യോഗാർത്ഥികൾക്ക് അപേക്ഷ ഓൺലൈൻ ആയി ഇന്ത്യൻ ബാങ്കിന്റെ ഔദ്യോഗിക വെബ്സൈറ്റായ www.indianbank.bank.in വഴി സമർപ്പിക്കാവുന്നതാണ്. അപേക്ഷ സമർപ്പിക്കാനുള്ള അവസാന തീയതി ഏപ്രിൽ 28 ആണ്. കൂടുതൽ വിവരങ്ങൾക്ക് ഇന്ത്യൻ ബാങ്കിന്റെ ഔദ്യോഗിക വെബ്സൈറ്റ് സന്ദർശിക്കാവുന്നതാണ്.
