റാന്നി : ദിനംപ്രതി വർദ്ധിച്ചു വരുന്ന പെട്രോളിയം ഉൽപ്പന്നങ്ങളുടെ വില വർധനവ്, ബസ് ചാർജ് വർധനവ്, എന്നിവ മൂലം ബുദ്ധിമുട്ട് അനുഭവപ്പെടുന്ന ക്ലിപ്ത വരുമാനക്കാരായ സർക്കാർ ജീവനക്കാരുടെ ദൈനംദിന ജീവിതത്തിൽ ചിലവ് വർധനയുണ്ടായതിനാല് ഡിഎ കുടിശിക അനുവദിക്കുന്നതു സര്ക്കാര് പരിഗണിക്കണമെന്ന് ജോയിന്റ് കൗണ്സില് റാന്നി മേഖലാ സമ്മേളനം ആവശ്യപ്പെട്ടു.
ക്ഷാമബത്ത കുടിശിഖ അനുവദിക്കുന്നതു മൂലം ഇതിനു കുറച്ച് പരിഹാരമാകുമെന്ന് മേഖലാസമ്മേളനം ചൂണ്ടിക്കാട്ടി. ജോയിന്റ് കൗൺസിൽ സംസ്ഥാന കമ്മിറ്റി അംഗം വി. കെ മധു ഉദ്ഘാടനം ചെയ്തു. ആർ മനോജ് കുമാർ, എൻ അനിൽ, എൻ സോയാമോൾ, പി എസ് മനോജ് കുമാർ, എന്.വി സന്തോഷ് എന്നിവര് പ്രസംഗിച്ചു. പുതിയ ഭാരവാഹികളായി എം.ജി മനോജ് മോൻ(പ്രസിഡന്റ്), എസ് നിത്യാ( വൈസ് പ്രസിഡന്റ്), എ ഷാജഹാൻ(സെക്രട്ടറി), എസ്.ജി അമ്പിളി (ജോയിന്റ് സെക്രട്ടറി), ടി.എം ഹസ്ന (ട്രഷറര്) എന്നിവരെ തെരെഞ്ഞെടുത്തു.
