കോട്ടയം: മണിമലയില് മകന് ഓടിച്ച വാഹനം ഇടിച്ച് മരിച്ചവരുടെ വീട് സന്ദര്ശിച്ച് ജോസ് കെ മാണി എംപി. വൈകീട്ട് അഞ്ചരയോടെയാണ് ജിന്സിന്റെയും ജിസിന്റെയും വീട്ടില് ജോസ് കെ മാണി എത്തിയത്. കുടുംബത്തിന്റെ ദുഃഖത്തില് പങ്കുചേരുന്നതായി ജോസ് കെ മാണി പറഞ്ഞു. നിങ്ങളെ അഭിമുഖികരിക്കാനുള്ള ബുദ്ധിമുട്ട് കാരണമാണ് ഇത്രയും ദിവസം വരാതിരുന്നതെന്നും കുടുംബത്തിന് എല്ലാവിധ സഹായങ്ങളും ജോസ് കെ മാണി വാഗ്ദാനം ചെയ്തു. മണിമലയിലെ പ്രാദേശിക നേതാക്കള്ക്കൊപ്പം എത്തിയ കെഎം മാണി അരമണിക്കൂറിലധികം വീട്ടില് ചെലവഴിക്കുകയും ചെയ്തു. അതേസമയം അപകടത്തിന് ശേഷം പോലീസിന്റെ നടപടികള് വിവാദത്തിന് കാരണമായിരുന്നു.
ഇക്കഴിഞ്ഞ ശനിയാഴ്ച രാത്രിയായിരുന്നു കെഎം മാണി ജൂനിയര് സഞ്ചരിച്ച ഇന്നോവയുടെ പിന്നില് ബൈക്കിടിച്ച് സഹോദരങ്ങളായ യുവാക്കള് മരിച്ചത്. മണിമല പതാലിപ്ലാവ് കുന്നുംപുറത്ത്താഴെ മാത്യു ജോണ്, ജിന്സ് ജോണ് എന്നിവരാണ് മരിച്ചത്. ഇവരുടെ ബൈക്ക് മണിമല ഭാഗത്തേക്ക് പോവുകയായിരുന്ന ഇന്നോവയുടെ പിന്നില് ഇടിക്കുകയായിരുന്നു. ഇന്നോവ പെട്ടെന്ന് ബ്രേക്ക് ചെയ്തതിനെ തുടര്ന്നാണ് ബൈക്ക് പിന്നില് ഇടിച്ച് കയറിയതെന്നാണ് ദൃക്സാക്ഷികള് പറഞ്ഞത്. ഇരുവരെയും ഉടന് ആശുപത്രിയില് എത്തിച്ചെങ്കിലും മരിക്കുകയായിരുന്നു.
