തിരുവല്ല: ഇന്ന് പുലര്ച്ചെ കാലം ചെയ്ത മലങ്കര മാര്ത്തോമ്മാ സഭയുടെ പരമാധ്യക്ഷന് ഡോ.ജോസഫ് മാര്ത്തോമ്മാ മെത്രാപ്പോലീത്തയുടെ ഭൗതിക ശരീരം തിരുവല്ലയിലെ സഭാ ആസ്ഥാനമായ എസ്.സി.എസ് കോമ്പൗണ്ടിലെ ഡോ.അലക്സാണ്ടര് മാര്ത്തോമ്മാ സ്മാരക ആഡിറ്റോറിയത്തില് പൊതു ദര്ശനത്തിനായി വെച്ചിരിക്കുന്നു.
കോവിഡ് പ്രോട്ടോക്കോള് പ്രാകരം മാനദണ്ഡങ്ങള് പാലിച്ച് മാത്രമേ പൊതുദര്ശനത്തിന് ജനങ്ങള്ക്ക് പ്രവേശനം അനുവദിക്കു. നാളെ തിങ്കളാഴ്ച ഉച്ചയ്ക്ക് 2 മണി വരെ മാത്രമേ ഭൗതിക ശരീരം ദര്ശിക്കുന്നതിനുള്ള അനുവാദം ഉള്ളു. അതിനു ശേഷം എസ്.സി.എസ് കോമ്പൗണ്ടില് പ്രവേശനം നല്കുന്നതല്ലന്നും സഭയുടെ എല്ലാ സ്ഥാപനങ്ങള്ക്കും തിങ്കളാഴ്ച അവധിയായിരിക്കുമെന്നും സഭാ സെക്രട്ടറി റവ. കെ.ജി ജോസഫ് പത്രക്കുറിപ്പില് അറിയിച്ചു.