ചെന്നൈ : സേലത്ത് ജുഡിഷ്യല് മജിസ്ട്രേറ്റിനെ കോടതി ജീവനക്കാരന് കത്തിക്കൊണ്ട് കുത്തി പരിക്കേല്പ്പിച്ചു. ചൊവ്വാഴ്ച സേലം ജില്ലാ കോടതി സമുച്ചയത്തിലെ നാലാമത് ജുഡിഷ്യല് മജിസ്ട്രേറ്റ് എം.പൊന്പാണ്ടിയെയാണ് ഓഫീസ് അസിസ്റ്റന്റായ പ്രകാശ് ചേമ്പറില് അതിക്രമിച്ചുകയറി കുത്തികൊലപ്പെടുത്താന് ശ്രമിച്ചത്. നെഞ്ചിന്റെ ഭാഗത്ത് കുത്തേറ്റ മജിസ്ട്രേറ്റിനെ സേലം ഗവ.മെഡിക്കല് കോളേജാശുപത്രിയിലേക്ക് മാറ്റി.
തുടര്ച്ചയായി സ്ഥലം മാറ്റപ്പെട്ടതില് പ്രകാശ് ഏറെ അസ്വസ്ഥനായിരുന്നു. ഇതുമായി ബന്ധപ്പെട്ട് മജിസ്ട്രേറ്റുമായി വാക്കേറ്റം നടത്തുന്നതിനിടെയാണ് കത്തിയെടുത്ത് കുത്തിയത്. ബഹളംകേട്ട് അഭിഭാഷകരും മറ്റും പ്രതിയെ പിടികൂടി പോലീസില് ഏല്പ്പിക്കുകയായിരുന്നു. പ്രകാശിനെ(37) അസ്തമപട്ടി പോലീസ് അറസ്റ്റ് ചെയ്തു. മജിസ്ട്രേറ്റിന്റെ ആരോഗ്യനില ഗുരുതരമല്ലെന്ന് പോലീസ് അറിയിച്ചു.
