തലശേരി : സി.പി.എം സമ്മേളനങ്ങള്ക്കു വേണ്ടി കോവിഡ് കണക്ക് കുറച്ചു കാണിച്ചെന്ന് കെ. മുരളീധരന് എംപി ആരോപിച്ചു. തലശേരി അതിരൂപതാ ബിഷപ്പിനെ സന്ദര്ശിച്ച ശേഷം മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. കഴിഞ്ഞ നാലുദിവസമായി 40000 മുകളിലാണ് കൊവിഡിന്റെ ബാധിതരുടെ എണ്ണം. അടിയന്തരമായി സര്ക്കാര് കോവിഡ് വ്യാപനം നിയന്ത്രിക്കാന് ജാഗ്രത പാലിക്കണം. അല്ലെങ്കില് കാര്യങ്ങള് കൈവിട്ടുപോകും.
മുഖ്യമന്ത്രി അമേരിക്കയില് നിന്നും വന്നാല് അദ്ദേഹം തന്നെ പ്രതിരോധ പ്രവര്ത്തനങ്ങള്ക്ക് നേതൃത്വം നല്കണമെന്നും മുരളീധരന് ആവശ്യപ്പെട്ടു. തലശേരി-റെയില്വേപാത സര്വ്വേയ്ക്കു അനുകൂലമായ സമയമാണിതെന്നും പദ്ധതിയുമായി സര്ക്കാര് മുന്പോട്ടുപോകണമെന്നും അദ്ദേഹം ആവശ്യപ്പെട്ടു. കോണ്ഗ്രസ് നേതാക്കളായ സജീവ് മാറോളി, എ. പി അരവിന്ദാക്ഷന് എന്നിവരും എംപിയോടൊപ്പമുണ്ടായിരുന്നു.
