28.8 C
Pathanāmthitta
Tuesday, October 19, 2021 2:42 pm
Advertisment

കോണ്‍​ഗ്രസിന്റെ ഇപ്പോഴത്തെ തകര്‍ച്ചയ്ക്ക് ഒരു നേതാവിനെ മാത്രം കുറ്റം പറഞ്ഞിട്ട് കാര്യമില്ല : കെ.മുരളീധരന്‍

കോഴിക്കോട് : കോണ്‍​ഗ്രസിന്റെ ഇപ്പോഴത്തെ തകര്‍ച്ചയ്ക്ക് ഒരു നേതാവിനെ മാത്രം കുറ്റം പറഞ്ഞിട്ട് കാര്യമില്ലെന്ന് കെ.മുരളീധരന്‍ എംപി വ്യക്തമാക്കി. കൂട്ടായ പ്രവര്‍ത്തനത്തിലൂടെ തെറ്റുകള്‍ തിരിച്ചറിയണം. തുടര്‍ച്ചയായ പരാജയങ്ങള്‍ അണികളെ നിരാശരാക്കി. പഞ്ചായത്ത് തെരഞ്ഞെടുപ്പില്‍ പോലും സ്ഥാനാര്‍ത്ഥികളെ കെട്ടിയിറക്കി. ചിലയിടത്ത് കൈപ്പത്തിയില്‍ മത്സരിച്ചവര്‍ പോലും നാലാം സ്ഥാനത്ത് വരെ എത്തി. നിയമസഭയില്‍ 41 സീറ്റ് കിട്ടിയത് തന്നെ ഭാഗ്യം. തോല്‍വി അവലോകനം ചെയ്തപ്പോള്‍ മനസിലാകുന്നത് ഇതാണ്.

തെരഞ്ഞെടുപ്പിലെ തോല്‍വി ജനങ്ങള്‍ കാണിച്ച മഞ്ഞക്കാര്‍ഡായിരുന്നു. താഴെ തട്ടില്‍ ആളുകള്‍ കുറയുന്നു എന്ന സൂചന. അത് മനസിലാക്കിയില്ലെന്നും കെ.മുരളീധരന്‍ പറയുന്നു. നിയമസഭ തെരഞ്ഞെടുപ്പില്‍ സി.പി.എമ്മിന്റെ പിആര്‍ വര്‍ക്ക് ഗുണം ചെയ്തു. കിറ്റും അവര്‍ക്ക് നേട്ടമായി. ഇതിനെ പ്രതിരോധിക്കാന്‍ കോണ്‍​ഗ്രസ് പാര്‍ട്ടിക്ക് ആയില്ല. സാമുദായിക സംഘടനകളെ അവരുടെ താല്‍പര്യങ്ങള്‍ക്കനുസരിച്ച്‌ സി.പി.എം സമീപിച്ചെന്നും മുരളീധരന്‍ വ്യക്തമാക്കി .

- Advertisment -
Advertisment
Advertisment
- Advertisment -
- Advertisment -

Most Popular