കോഴിക്കോട്: വയനാട്ടിലെത്തുന്ന രാഹുല്ഗാന്ധിയുടെ പരിപാടിയില് നിന്ന് കെ. മുരളീധരന് വിട്ടുനില്ക്കുമെന്ന അഭ്യൂഹങ്ങള് തള്ളി കെ. മുരളീധരന് എം.പി. ചൊവ്വാഴ്ച വയനാട്ടില് നടക്കുന്ന കെ.പി.സി.സിയുടെ പരിപാടിയില് താന് പങ്കെടുക്കുമെന്ന് കെ. മുരളീധരന് മാധ്യമങ്ങളോട് പറഞ്ഞു. കെ.പി.സി.സിയുടെ ചലോ വയനാട്, വി.ആര്. വിത്ത് രാഹുല്ഗാന്ധി എന്നീ മുദ്രാവാക്യങ്ങള് പ്രാവര്ത്തികമാക്കാന് താനുണ്ടാകും. നാളെ വയനാട്ടിലെത്തുമെന്നും അദ്ദേഹം പറഞ്ഞു.
അതേസമയം രാഹുല്ഗാന്ധിയുടെ പരിപാടിയില് നിന്ന് കെ. മുരളീധരന് വിട്ടുനില്ക്കുമെന്ന് റിപ്പോര്ട്ടുകളുണ്ടായിരുന്നു. ഇതിന് പിന്നാലെയാണ് അദ്ദേഹത്തിന്റെ പ്രതികരണം. എംപി സ്ഥാനത്തു നിന്നും അയോഗ്യനാക്കിയ ശേഷം ആദ്യമായാണു രാഹുല് വയനാട് സന്ദര്ശിക്കുന്നത്. പ്രിയങ്ക ഗാന്ധിയും രാഹുലിനൊപ്പം വയനാട്ടില് എത്തുന്നുണ്ട്. കെപിസിസിയുടെ നേതൃത്വത്തില് ഗംഭീര സ്വീകരണമാണു വയനാട്ടില് ഒരുക്കുന്നത്. കണ്ണൂരില് ഹെലികോപ്റ്ററില് എത്തുന്ന രാഹുല് റോഡ്മാര്ഗമാണു വയനാട്ടില് എത്തുക.
