ഡല്ഹി: ഖാലിസ്ഥാനി വിഘടനവാദി നേതാവ് അമൃത്പാല് സിങ്ങിന്റെ അടുത്ത സഹായി അറസ്റ്റില്. പാപാല്പ്രീത് സിംഗാണ് പിടിയിലായത്. ഇയാളെ ഹോഷിയാര്പൂരില് നിന്നാണ് പഞ്ചാബ് പോലീസ് പിടികൂടിയത്. പഞ്ചാബ് പോലീസും കൗണ്ടര് ഇന്റലിജന്സ് യൂണിറ്റും ചേര്ന്ന് നടത്തിയ ഓപ്പറേഷനിലാണ് ഇയാളെ അറസ്റ്റ് ചെയ്തത്.
അമൃത്പാല് സിങ്ങും സഹായിയും വിവിധ ദേരകളില് അഭയം തേടിയതായി പഞ്ചാബ് പോലീസ് നടത്തിയ അന്വേഷണത്തില് കണ്ടെത്തിയിരുന്നു. മാര്ച്ച് 18 മുതലാണ് അമൃത്പാല് സിങ്ങിനേയും ഖാലിസ്ഥാന് അനുകൂല ‘വാരിസ് പഞ്ചാബ് ദേ’ സംഘടനയേയും കണ്ടെത്താന് പോലീസ് അന്വേഷണം ആരംഭിച്ചത്. അറസ്റ്റിലായ ഒരാളെ മോചിപ്പിക്കാന് അമൃത്പാല് സിംഗ് നൂറുകണക്കിന് അനുയായികളോടൊപ്പം അമൃത്സറിനടുത്തുള്ള അജ്നാല പോലീസ് സ്റ്റേഷനിലേക്ക് ഇരച്ചുകയറിയിരുന്നു. രക്ഷപ്പെട്ട അമൃതപാല് സിംഗ് മാര്ച്ച് 18 ന് ജലന്ധറില് വാഹനങ്ങള് മാറ്റിയും രൂപം മാറ്റിയും പോലീസിന്റെ കണ്ണില് നിന്ന് രക്ഷപ്പെടുകയായിരുന്നു.
