തിരുവനന്തപുരം: കേരളത്തില് ഇതുവരെ വൈദ്യുതി എത്തിക്കാന് കഴിയാതിരുന്ന 7 ജില്ലകളിലെ 97 ആദിവാസി കോളനികളിലെ വീടുകളില് 2023 മാര്ച്ച് 31 ന് മുമ്പായി വൈദ്യുതി എത്തിക്കുമെന്ന് മന്ത്രി കെ രാധാകൃഷ്ണന്. രാജ്യത്തിന് സ്വാതന്ത്ര്യം കിട്ടിയിട്ട് 75 വര്ഷം പൂര്ത്തിയായിട്ടും വിവിധ കാരണങ്ങളാല് വൈദ്യുതി എത്തിക്കാന് കഴിയാതിരുന്ന ഉള്വനങ്ങളിലെ ആദിവാസി കോളനികളില് വൈദ്യുതി എത്തിക്കുന്നതിനുള്ള പദ്ധതികള് ആവിഷ്കരിക്കണമെന്ന് അദ്ദേഹം ആവശ്യപ്പെട്ടു.
ലൈനുകള് / കേബിളുകളിലൂടെ വൈദ്യുതി എത്തിക്കാന് പറ്റുന്ന കോളനികളില് കെഎസ്ഇബിയുടെ ചുമതലയില് വൈദ്യുതി എത്തിക്കും. വനാന്തരങ്ങളിലുള്ള കോളനികളില് സോളാര് / ഹൈബ്രിഡ് പദ്ധതി അനര്ട്ട് നടപ്പാക്കും. കോളനികളില് സാമൂഹിക ആവശ്യങ്ങള്ക്കുള്ള പൊതുസ്ഥലം തയ്യാറാക്കി ടെലിവിഷന് സൗകര്യം ഏര്പ്പെടുത്തും.
ആദിവാസി കോളനികളിലെ ചെറുപ്പക്കാര്ക്ക് കെഎസ്ഇബി മുതലായ സ്ഥാപനങ്ങളില് മതിയായ പരിശീലനം നല്കി സ്ഥിര വരുമാനം ഉറപ്പാക്കുന്ന തൊഴില് നല്കാനും കൃഷിയോഗ്യമായ ഭൂമിയില് നവീന കൃഷി രീതികളും മൈക്രോ ഇറിഗേഷന് സാങ്കേതിക വിദ്യയും നടപ്പിലാക്കുമെന്നും അദ്ദേഹം കൂട്ടിച്ചേര്ത്തു.
