എറണാകുളം : കെ-റെയില് പദ്ധതിയില് സി.പി.എം കേന്ദ്ര നേതൃത്വം വ്യക്തത വരുത്തണമെന്ന് പ്രതിപക്ഷ നേതാവ് വി ഡി സതീശന്. സി.പി.എം ജനറല് സെക്രട്ടറി സീതാറാം യെച്ചൂരിയ്ക്ക് അയച്ച കത്തിലാണ് പ്രതിപക്ഷ നേതാവ് ഇക്കാര്യം ഉന്നയിച്ചത്. മുബൈ-അഹമ്മദാബാദ് അതിവേഗ റെയില്വെയെ എതിര്ക്കുന്നവര് കെ-റെയില് പദ്ധതിയെ പിന്തുണക്കുന്നത് എങ്ങനെയെന്നും വി ഡി സതീശന് ചോദിച്ചു. അഴിമതി, കോര്പ്പറേറ്റ് താത്പര്യങ്ങള് സംരക്ഷിക്കുക എന്നിവയാണ് പദ്ധതിയുടെ ലക്ഷ്യം.
ഇടത് പ്രത്യയശാസ്ത്രത്തില് നിന്ന് വ്യതിചലിച്ച് തീവ്ര വലത്പക്ഷ നിലപാടുകളാണ് സര്ക്കാര് സ്വീകരിക്കുന്നത്. കടുത്ത സാമ്പത്തിക പ്രതിസന്ധി നേരിടുന്ന കേരളത്തിന് രണ്ട് ലക്ഷം കോടിയിലധികം ചിലവ് വരുന്ന സില്വര് ലൈന് പദ്ധതി താങ്ങാനാകില്ല. പദ്ധതി വഴി പാരിസ്ഥിതികമായും സാമൂഹികമായും ഗുരുതരമായ പ്രത്യാഘാതങ്ങള് ഉണ്ടാകുമെന്നും വി ഡി സതീശന് ആരോപിച്ചു.
