കോഴിക്കോട്: എകെജി സെന്‍ററിനു നേരെ പടക്കമെറിഞ്ഞ കേസിന്‍റെ അന്വേഷണം അവസാനിപ്പിക്കാനുള്ള നീക്കത്തില്‍ എല്‍ഡിഎഫ് കണ്‍വീനര്‍ ഇ.പി.
ജയരാജനെ കണക്കറ്റ് പരിഹസിച്ച്‌ കെപിസിസി അധ്യക്ഷന്‍ കെ. സുധാകരന്‍. പി.കെ. ശ്രീമതി ടീച്ചര്‍ക്ക് മികച്ച നടിയുടെയും ഇടതുമുന്നണി കണ്‍വീനര്‍ക്ക് മികച്ച ഹാസ്യനടന്‍റെയും അവാര്‍ഡുകള്‍ നല്‍കിയശേഷം വേണം കേസന്വേഷണം അവസാനിപ്പിക്കാനെന്ന് സുധാകരന്‍ ഫേസ്ബുക്കില്‍ കുറിച്ചു.വിമാനക്കമ്പനി യാത്രാവിലക്കേര്‍പ്പെടുത്തിയത് പോലെ ഇനിയുള്ള കാലം പടക്കം വാങ്ങുന്നതില്‍ നിന്നും പൊട്ടിക്കുന്നതില്‍ നിന്നും ഇ.പി. ജയരാജനെ വിലക്കാന്‍ നാട്ടിലെ കോടതികള്‍ തയാറാകണം. അങ്ങനെയെങ്കിലും സിപിഎം ഓഫീസ് ജീവനക്കാര്‍ക്ക് ജീവഭയമില്ലാതെ അവിടങ്ങളില്‍ പണിയെടുക്കാന്‍ സാധിക്കണം.
