കൊച്ചി : എ.കെ.ജി സെന്റര് അക്രമണത്തിന്റെ പേരില് കലാപ ആഹ്വാനം നടത്തിയ എല്.ഡി.എഫ് കണ്വീനര് ഇ.പി ജയരാജനെതിരെ കേസെടുക്കണമെന്ന് കെ.പി.സി.സി പ്രസിഡന്റ്. ക്രൈംബ്രാഞ്ച് അന്വേഷണത്തിലും പ്രതിയെ പിടിക്കുമെന്ന വിശ്വാസമില്ല. എ.കെ.ജി സെന്റര് ആക്രണം ഇ.പി ജയരാജന്റെ സൃഷ്ടിയാണ്. ആരാണ് പ്രതിയെന്ന് അദ്ദേഹത്തിന് മാത്രമെ അറിയൂ എന്നും കെ സുധാകരന് എംപി.
മംപൂച്ചപോയി മരപ്പൂച്ച വന്നിട്ടും ഒരു പ്രയോജനവുമില്ലെന്നും സുധാകരന് പരിഹസിച്ചു. ജയരാജന് ആക്രമണ ഉത്തരവാദിത്തം കോണ്ഗ്രസിന്റെ തലയില്വെച്ച് കെട്ടി കലാപ ആഹ്വാനത്തിന് തുല്യമായ പ്രസ്താവന നടത്തിയതിനെ തുടര്ന്ന് വ്യാപകമായി കോണ്ഗ്രസ് ഓഫീസുകള് അക്രമിക്കപ്പെട്ടു. ലക്ഷകണക്കിന് രൂപയുടെ നാശനഷ്ടം ഉണ്ടായി. നഷ്ടപരിഹാരം ലഭിക്കുന്നതിന് ആവശ്യമായ നിയമനടപടി കോണ്ഗ്രസ് സ്വീകരിക്കുമെന്നും സുധാകരന് പറഞ്ഞു.
കോണ്ഗ്രസ് പ്രവര്ത്തകര്ക്കെതിരായ നടപടി അവസാനിപ്പിക്കാന് ആഭ്യന്തരവകുപ്പ് തയ്യാറായില്ലെങ്കില് സംസ്ഥാനത്തെ മുഴുവന് പോലീസ് സ്റ്റേഷന് മുന്നിലും അതിശക്തമായ പ്രക്ഷോഭം കോണ്ഗ്രസ് സംഘടിപ്പിക്കുമെന്ന് സുധാകരന് പറഞ്ഞു. സി.പി.എം ഭരണസമിതി കോടികളുടെ കൊള്ളനടത്തിയ കരുവന്നൂര് സഹകരണ ബാങ്കില് പണം നിക്ഷേപിച്ചവര്ക്ക് അത് തിരികെ നല്കാനുള്ള നട്ടെല്ല് സര്ക്കാര് കാണിക്കണം. മാധ്യമപ്രവര്ത്തകനെ കൊലപ്പെടുത്തിയ ശ്രീറാം വെങ്കിട്ടരാമന് കളക്ടറായി നിയമനം നല്കിയതിലൂടെ സര്ക്കാരിന്റെ ഒളിച്ചുകളി വ്യക്തമായെന്നും സുധാകരന് കൂട്ടിച്ചേർത്തു.
