തിരുവനന്തപുരം: ഒരു വശത്ത് മദ്യത്തെ വ്യാപകമായി പ്രോത്സാഹിപ്പിക്കുകയും മറുവശത്ത് ലഹരി വിരുദ്ധ പ്രവര്ത്തനങ്ങള് പ്രചരിപ്പിക്കുകയും ചെയ്യുന്ന സംസ്ഥാന സര്ക്കാരിന്റെ നടപടി ഇരട്ടത്താപ്പ് നയമാണെന്ന് ബി.ജെ.പി സംസ്ഥാന പ്രസിഡന്റ് കെ. സുരേന്ദ്രന് പ്രസ്താവിച്ചു. ലഹരിക്കെതിരെ കേരള മദ്ധ്യനിരോധന സമിതി സെക്രട്ടേറിയേറ്റിന് മുന്നില് സംഘടിപ്പിച്ച മനുഷ്യചങ്ങല ഉദ്ഘാടനം ചെയ്തു പ്രസംഗിക്കുകയായിരുന്നു കെ.സുരേന്ദ്രന്.
കേരള ഗാന്ധി സ്മാരക നിധി ചെയര്മാന് ഡോ.എന്.രാധാകൃഷ്ണന് നായര് അധ്യക്ഷത വഹിച്ചു. ബിലീവേഴ്സ് ഈസ്റ്റേണ് ചര്ച്ച് കേരള ഭദ്രാസനം സഹായ മെത്രാന് മാത്യൂസ് മാര് സില്വാനസ് എപ്പിസ്ക്കോപ്പ മുഖ്യ പ്രഭാഷണം നടത്തി.കേരള മദ്ധ്യനിരോധന സമിതി പ്രസിഡന്റ് കെ.പി.ദുര്യോധനന്, റവ.ഫാദര് ജോസ് കരിക്കം എന്നിവര് പ്രസംഗിച്ചു.
