കാബൂള് : അഫ്ഗാനിസ്താനിലെ കാണ്ഡഹാര് വിമാനത്താവളത്തിന് നേരെ റോക്കറ്റാക്രമണം. ശനിയാഴ്ച രാത്രിയാണ് ആക്രമണമുണ്ടായതെന്ന് എ.എഫ്.പി റിപ്പോര്ട്ട് ചെയ്യുന്നു. മേഖലയില് ആധിപത്യം സ്ഥാപിക്കാന് ശ്രമിക്കുന്ന താലിബാനാണ് ആക്രമണത്തിന് പിന്നിലെന്നാണ് സൂചന.
മൂന്ന് റോക്കറ്റുകളാണ് വിമാനത്താവളത്തിന് നേരെ തൊടുത്തുവിട്ടത്. ഇതില് രണ്ടെണ്ണം റണ്വേയില് പതിച്ചു. ഇതുമൂലം മുഴുവന് വിമാനങ്ങളും റദ്ദാക്കിയെന്ന് വിമാനത്താവള മേധാവി മസൂദ് പാഷ്തുന് പറഞ്ഞു. വിമാനത്താവളത്തിന്റെ റണ്വേയില് അറ്റകൂറ്റപ്പണി നടക്കുകയാണ്. ഞായറാഴ്ച രാത്രിയോടെ റണ്വേ പ്രവര്ത്തനസജ്ജമാക്കാന് കഴിയുമെന്നാണ് പ്രതീക്ഷയെന്നും അദ്ദേഹം പറഞ്ഞു. കാബൂള് സിവില് ഏവിയേഷനും ആക്രമണവിവരം സ്ഥിരീകരിച്ചിട്ടുണ്ട്.
അഫ്ഗാനിസ്താനിലെ രണ്ടാമത്തെ വലിയ നഗരമാണ് കാണ്ഡഹാര്. മേഖലയില് താലിബാനെതിരെ പോരാടുന്ന സൈന്യത്തിനുള്ള സാധനങ്ങള് എത്തിച്ച് നല്കുന്നത് കാണ്ഡഹാര് വിമാനത്താവളത്തിലൂടെയാണ്. ഇവിടെ ആക്രമണം നടത്തിയതോടെ അഫ്ഗാനിലെ രണ്ട് പ്രവിശ്യകളുടെ കൂടി നിയന്ത്രണം താലിബാന് ലഭിച്ചേക്കുമെന്നാണ് റിപ്പോര്ട്ട്.
