പത്തനംതിട്ട: ജില്ലാ കോണ്ഗ്രസ് കമ്മിറ്റി കെ.കരുണാകരന് പാലിയേറ്റീവ് കെയര് ചാരിറ്റബിള് സൊസൈറ്റി നടപ്പിലാക്കിക്കൊണ്ടിരിക്കുന്ന കൈത്താങ്ങ് പദ്ധതിയുടെ ഈ വര്ഷത്തെ പ്രവര്ത്തനോദ്ഘാടനവും ജില്ലാ പ്രവര്ത്തക കണ്വന്ഷനും ഡി.സി.സി പ്രസിഡന്റ് ബാബു ജോര്ജ്ജ് നിര്വ്വഹിച്ചു. ഓണ്ലൈന് വിദ്യാഭ്യാസത്തിനു അടിസ്ഥാന സൗകര്യം ഒരുക്കുന്നതിന്റെ ഭാഗമായി ആറന്മുള ഗവി ഹൈസ്കൂള് വിദ്യാര്ത്ഥിക്ക് ഡിജിറ്റല് ടി.വി നല്കി. മഴക്കാല രോഗപ്രതിരോധ നടപടികളുടെ ഭാഗമായി ആയുര്വേദ, ഹോമിയോ, അലോപ്പതി മെഡിക്കല് ക്യാമ്പ് സംഘടിപ്പിക്കുന്നതിനും തീരുമാനിച്ചു.
ഡി.സി.സി ജനറല് സെക്രട്ടറി റോജി പോള് ഡാനിയേല്, റവ. ഫാ. ഡാനിയേല് പുല്ലേലില്, പാലിയേറ്റീവ് കെയര് ജില്ലാ കോ-ഓര്ഡിനേറ്റര്മാരായ ഡേവിഡ് തോമസ്, ലൂയിസ് വിനയന്, ജോസ് പനച്ചയ്ക്കല്, നീതു രതീഷ്, സുന്ദരേശന് കൊടുമണ്, ഗീതാ പ്രസാദ്, ബിജു അങ്ങാടിക്കല് എന്നിവര് പ്രസംഗിച്ചു.