ന്യൂഡല്‍ഹി: തലസ്ഥാന നഗരമായ ഡല്‍ഹിയില്‍ കോവിഡ് വ്യാപനത്തിന്റെ രണ്ടാം തരംഗം അവസാനഘട്ടത്തിലെത്തിയെന്ന് മുഖ്യമന്ത്രി അരവിന്ദ് കെജ്രിവാള്‍. സെപ്തംബര്‍ 16 വരെ ഡല്‍ഹിയില്‍ 4500 വരെയായിരുന്നു പ്രതിദിന കോവിഡ് രോഗികളുടെ എണ്ണം. എന്നാല്‍ പിന്നീടുള്ള ദിവസങ്ങളില്‍ ഇത് കുറഞ്ഞു. 24 മണിക്കൂറിനകം 3700 കേസുകളും അതില്‍ താഴെയുമായി. അടുത്ത ദിവസങ്ങളില്‍ കോവിഡ് വ്യാപനം കുറയുമെന്നാണ് വിദഗ്ധര്‍ നല്‍കുന്ന സൂചന -കെജ്രിവാള്‍ വിശദീകരിച്ചു.
പ്രതിദിന കണക്കില്‍ ഏറ്റവും വലിയ വര്‍ധനവ് രേഖപ്പെടുത്തിയത് സെപ്തംബര്‍ 16നാണ്. അന്ന് 4473 പേര്‍ക്കാണ് കോവിഡ് സ്ഥിരീകരിച്ചത്. സെപ്തംബര്‍ 15 മുതല്‍ 19 വരെ ദിനംപ്രതി 4000ലേറെ കേസുകളും 30 മുതല്‍ 40 വരെ മരണങ്ങളും റിപ്പോര്‍ട്ട് ചെയ്തിരുന്നു. ഡല്‍ഹിയില്‍ ഇതുവരെ രണ്ടുലക്ഷത്തിലേറെ പേര്‍ക്ക് കോവിഡ് സ്ഥിരീകരിച്ചു. വൈറസ് ബാധയില്‍ 4638 പേര്‍ക്കാണ് ജീവന്‍ നഷ്ടമായത്.
