കൊച്ചി : കൊച്ചിയിൽ 11 കോടി രൂപയുടെ ലഹരിമരുന്ന് പിടികൂടിയ കേസിൽ പുതിയ കണ്ടെത്തുലുകൾ. കൊച്ചിയിലേക്ക് നാലംഗ സംഘം മയക്ക് മരുന്ന് എത്തിച്ചത് ചെന്നൈയിൽ നിന്നെന്ന് അന്വേഷണ സംഘം. ചെന്നൈയിൽ നിന്ന് ലഹരി മരുന്ന് കൊണ്ട് വന്ന ഏജന്റിനെ തിരിച്ചറിഞ്ഞുവെന്നും അന്വേഷണ സംഘം വെളിപ്പെടുത്തി. പ്രതികളെ ചെന്നൈയിലെത്തിച്ച് തെളിവെടുപ്പ് നടത്തുമെന്നും അന്വേഷണ സംഘം വ്യക്തമാക്കി. ഒരു കിലോ എംഡിഎംഎ പിടികൂടിയ കേസിലും നിലവിലെ 6 പേരെയും പ്രതി ചേർക്കുമെന്ന് എക്സൈസ് അറിയിച്ചു.
കാക്കനാട് എംഡിഎംഎ കേസിൽ പ്രതിപ്പട്ടികയിൽ നിന്നൊഴിവാക്കിയ തയ്ബയുടെ അറസ്റ്റ് എക്സൈസ് ക്രൈബ്രാഞ്ച് രേഖപ്പെടുത്തി. ലഹരി കടത്ത് കേസിൽ തയ്ബയെ മുന് അന്വേഷണ ഉദ്യോഗസ്ഥർ വിട്ടയച്ചിരുന്നു. കേസിൽ യുവതിയുടെ പങ്ക് സ്ഥിരീകരിച്ച ശേഷമാണ് ക്രൈംബ്രാഞ്ച് അറസ്റ്റ് ചെയ്തത്. കേസിലെ ആറാം പ്രതിയാണ് തിരുവല്ല സ്വദേശി തയ്ബ. പോണ്ടിച്ചേരിയിൽ നിന്ന് മയക്കുമരുന്ന് എത്തിച്ചത് തയ്ബ ഉൾപ്പെടെ നാല്പേരാണ്. ലഹരിക്കടത്ത് കേസിൽ തയ്ബ സെക്യൂരിറ്റി ഗാർഡായി പോയിരുന്നതായാണ് അന്വേഷണ സഘത്തിന്റെ കണ്ടെത്തൽ.
