കോന്നി : കലഞ്ഞൂര് ഗവ എച്ച്.എസ്.എസ് ആന്ഡ് വി.എച്ച്.എസ്.എസില് മൂന്ന് കോടി രൂപ ചെലവില് നിര്മിച്ച പുതിയ കെട്ടിടത്തിന്റെ ഉദ്ഘാടനം മുഖ്യമന്ത്രി പിണറായി വിജയന് ഓണ്ലൈനായി നിര്വഹിച്ചു. സ്കൂള്തല ഉദ്ഘാടനം അഡ്വ. കെ.യു. ജനീഷ് കുമാര് എം എല് എ നിര്വഹിച്ചു.
കോന്നി മണ്ഡലത്തില് നടപ്പാക്കുന്ന അക്കാദമിക ശാക്തീകരണ പദ്ധതി ഉയരേ 2021 പ്രോജക്ടിന്റെ ഉദ്ഘാടനവും എംഎല്എ നിര്വഹിച്ചു. പുതിയ കെട്ടിടത്തിന്റെ രണ്ടാം നിലയുടെ ഉദ്ഘാടനമാണ് നടന്നത്. 14 ക്ലാസ് റൂമുകള് ഉള്ള ഈ നിലയില് രണ്ട് ലാബുകളും സ്റ്റാഫ് റൂമും ഉള്പ്പെടുന്നു. രണ്ട് നിലകളിലായി ആണ്കുട്ടികള്ക്കും പെണ്കുട്ടികള്ക്കുമായി പ്രത്യേകം എട്ട് ടോയ്ലറ്റുകള് വീതവും സജീകരിച്ചിട്ടുണ്ട്. മൂന്നാം നിലയുടെ പ്രവര്ത്തനത്തിനായി 218 ലക്ഷം രൂപയുടെ പ്ലാനും എസ്റ്റിമേറ്റും നല്കിയിട്ടുണ്ട്.
ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന് അധ്യക്ഷത വഹിച്ചു. ജില്ലാ പഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയര്പേഴ്സണ് ബീനാ പ്രഭ, കലഞ്ഞൂര് ഗ്രാമപഞ്ചായത്ത് പ്രസിഡന്റ് ടി.വി. പുഷ്പവല്ലി, ബ്ലോക്ക് പഞ്ചായത്ത് വൈസ് പ്രസിഡന്റ് എം.പി. മണിയമ്മ, ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയര്പേഴ്സണ് ആശാ സജി, ഗ്രാമപഞ്ചായത്തംഗം രമാ സുരേഷ്, പത്തനംതിട്ട ഡി.ഇ.ഒ എം.എസ്. രേണുകാ ഭായ്, ചെങ്ങന്നൂര് ആര്ഡിഡി എസ്. ഉഷ, എസ്എസ്കെ ജില്ലാ കോ – ഓര്ഡിനേറ്റര് പി.എ. സിന്ധു, വിഎച്ച്എസ്ഇ ചെങ്ങന്നൂര് മേഖല അസി.ഡയറക്ടര് സജി ഇടിക്കുള, പ്രഥമ അധ്യാപകന് പ്രേമരാജന് മാവിളി, വിഎച്ച്എസ്ഇ പ്രിന്സിപ്പല് എസ്. ലാലി, മുന് പ്രിന്സിപ്പല് ആര്. മുരളീധരന് നായര്, മുന് ഹെഡ്മാസ്റ്റര് ഇ.എം. അജയഘോഷ്, എല്പി എസ് എച്ച്.എം വി. അനില്, പിടിഎ പ്രസിഡന്റ് എസ്. രാജേഷ്, വൈസ് പ്രസിഡന്റ് മനോഹരന് നായര്, മുന് പഞ്ചായത്ത് പ്രസിഡന്റ് മനോജ് കുമാര്, സ്റ്റാഫ് സെക്രട്ടറി ജിമ്മി ജോര്ജ്, പ്രിന്സിപ്പല് പി. ജയഹരി, സജയന് ഓമല്ലൂര്, ഫിലിപ്പ് ജോര്ജ് തുടങ്ങിയവര് പങ്കെടുത്തു
