കോന്നി : കല്ലാറ്റില് ഉല്ലാസയാത്രയ്ക്ക് പുത്തന്കുട്ടവഞ്ചികള് എത്തി. കർണ്ണാടകയിലെ ഹൊഗനക്കലിൽ നിന്നും 27 കുട്ട വഞ്ചികൾ ആണ് കഴിഞ്ഞ ദിവസം വനം വകുപ്പ് എത്തിച്ചത്. കുട്ടവഞ്ചികൾ ടാർ തേച്ച് ബലപ്പെടുത്തുന്ന ജോലികൾ ആണ് ഇപ്പോൾ നടക്കുന്നത്. ടാർ തേച്ച് ബലപെടുത്തിയ വഞ്ചികൾ ഉണങ്ങിയതിന് ശേഷം മാത്രമേ സവാരിക്കായി ഇറക്കുകയുള്ളു. ഒരു വർഷത്തോളം ആയ കുട്ടവഞ്ചികൾ ആണ് സവാരിക്ക് ഉപയോഗിച്ചിരുന്നത്. ഇത് നാശ അവസ്ഥയിൽ ആയിരുന്നതിനാൽ പുതിയ കുട്ട വഞ്ചികൾ വനം വകുപ്പ് എത്തിക്കുകയായിരുന്നു.
