പത്തനംതിട്ട : ഭാര്യയുടെ കൈകള് വെട്ടിയ കേസ് ആസൂത്രിതമെന്ന് പോലീസ്.
വിദ്യയെ കൊല്ലണമെന്ന ഉദ്ദേശ്യത്തോടെ സന്തോഷ് വടിവാളുമായാണ് എത്തിയതെന്ന് പോലീസ് പറഞ്ഞു. വീട്ടില് കയറിയത് അടുക്കള വഴി. വിദ്യ ട്യൂഷനെടുത്ത് വരുന്ന വഴി കൊല്ലാനായിരുന്നു ആദ്യ ശ്രമം. ഇത് പരാജയപ്പെട്ടതോടെയാണ് വീട്ടില് കയറിയത്.
അഞ്ച് വയസുള്ള കുട്ടിയുടെ മുന്നില് വെച്ചാണ് വിദ്യയെ വെട്ടിയത്. പ്രതി സന്തോഷ് സംശയ രോഗിയാണെന്ന് പോലീസ് പറഞ്ഞു. മുമ്പ് വിദ്യയുടെ വായ കുത്തി കീറിയതായി പ്രതി മൊഴി നല്കിയിട്ടുണ്ട്. കൊലപ്പെടുത്താന് തന്നെയാണ് എത്തിയതെന്നും പോലീസ് വിശദീകരിച്ചു.
അതേസമയം വിദ്യയുടെ ശസ്ത്രക്രിയ പൂര്ത്തിയായി. തിരുവനന്തപുരം മെഡിക്കല് കോളേജിലാണ് ശസ്ത്രക്രിയ നടന്നത്. അറ്റുപോയ കൈകള് തന്നിച്ചേര്ത്തു. യുവതി ഇപ്പോഴും ഗുരുതരാവസ്ഥയില് തുടരുകയാണ്. വിദ്യയെ ആക്രമിക്കുന്നത് തടയുന്നതിനിടയില് അച്ഛന് വിജയനും വെട്ടേറ്റിരുന്നു. കഴിഞ്ഞ കുറെ നാളുകളായി വിദ്യയും സന്തോഷും വേര്പിരിഞ്ഞു കഴിയുകയാണ്. ഇവരുടെ വിവാഹ മോചന കേസ് കോടതിയുടെ പരിധിയിലാണ്. സംഭവത്തില് വധശ്രമം അടക്കമുള്ള കുറ്റങ്ങളാണ് പ്രതിക്കെതിരെ ചുമത്തിയിരിക്കുന്നത്.
