കുമ്പഴ : കാഞ്ഞിരപ്പാറ – വെട്ടൂർ റോഡ് അടിയന്തിരമായി ടാർ ചെയ്തു സഞ്ചാര യോഗ്യമാക്കണമെന്ന് കോൺഗ്രസ് മേഖല യോഗം ആവശ്യപ്പെട്ടു. കൊട്ടിഘോഷിച്ചു നിർമ്മാണോദ്ഘാടനം മന്ത്രിയെ കൊണ്ടു നടത്തുകയും തുടർന്ന് റോഡ് പൂർണമായും ടാർ ഇളക്കിയിടുകയും ചെയ്തു. രണ്ട് ആഴ്ചയിലേറെയായി റോഡ് താറുമാറായി കിടക്കുകയാണ്. വാഹനങ്ങൾ പോലും ഇതുവഴി പോകുവാൻ ബുദ്ധിമുട്ടുകയാണ്. ഇരുചക്ര വാഹനങ്ങൾ പലപ്പോഴും ഇവിടെ അപകടത്തില്പ്പെടുകയും ചെയ്യുന്നു.
പ്രശ്നത്തിന് അടിയന്തിര പരിഹാരം കാണണമെന്ന് കോണ്ഗ്രസ് ആവശ്യപ്പെട്ടു. ജെയ്സൺ പീടികയിൽ അധ്യക്ഷത വഹിച്ചു. ഡിസിസി വൈസ് പ്രസിഡന്റ് വെട്ടൂർ ജ്യോതിപ്രസാദ്, ജനറൽ സെക്രട്ടറി സാമൂവൽ കിഴക്കുപ്പുറം, ജൂനിത നൈനാൻ, പി കെ രാധാമണി, ബിനോയ് മണക്കാട്ട്, വിനോയ് വിശ്വം, മോനച്ചൻ പീടികയിൽ, ടി എൻ ശശി, ജോർക്കുട്ടി മഠത്തിലേത്ത്, കെ എം ജോഷ്വാ, ശശി കീളേത്ത്, ബാബു വാണിയത്ത്, ജയശ്രീ വി ടി എന്നിവർ പ്രസംഗിച്ചു.
