കണ്ണൂർ : മധ്യവേനലവധിക്ക് ശേഷം കണ്ണൂർ സർവകലാശാലയുടെ കീഴിലുള്ള അഫിലിയേറ്റഡ് കോളേജുകൾ ജൂൺ ഒന്നിന് വീണ്ടും തുറക്കും. അഞ്ചാം സെമസ്റ്റർ ബിരുദ ക്ലാസുകൾ ജൂൺ ഒന്നിന് ആരംഭിക്കും. 2022-23 വർഷത്തെ അക്കാദമിക് പരീക്ഷാ കലണ്ടർ പ്രകാരം മറ്റ് പ്രോഗ്രാമുകളുടെ വിവിധ സെമസ്റ്റർ ക്ലാസുകൾ ആരംഭിക്കുമെന്ന് അതത് കോളേജുകളിലെ പ്രിൻസിപ്പൽ/ഡിപ്പാർട്ട്മെന്റ് മേധാവികൾ ഉറപ്പാക്കണം. അക്കാദമിക് പരീക്ഷാ കലണ്ടർ വെബ്സൈറ്റിൽ ലഭ്യമാണ്. അഞ്ചാം സെമസ്റ്റർ ബിരുദ (റഗുലർ/ സപ്ലിമെൻന്റി/ ഇംപ്രൂവ്മെന്റ്), നവംബർ 2021 പരീക്ഷകളുടെ ഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയം, സൂക്ഷ്മപരിശോധന, പകർപ്പ് എന്നിവയ്ക്ക് 10.06.2022 വരെ ഓൺലൈനായി അപേക്ഷിക്കാം.
പരീക്ഷാ വിജ്ഞാപനം ഒന്നാം സെമസ്റ്റർ എം.ബി.എ. (റഗുലർ/ സപ്ലിമെന്ററി – 2018 അഡ്മിഷൻ മുതൽ), നവംബർ 2021 പരീക്ഷകൾക്ക് പിഴകൂടാതെ 13.06.2022 വരെയും പിഴകൂടാതെ 13.06.2022 വരെയും അപേക്ഷിക്കാം. ഓൺലൈനായി രജിസ്റ്റർ ചെയ്ത് ഫീസ് അടച്ച ശേഷമേ റഗുലർ വിദ്യാർത്ഥികളുടെ അപേക്ഷ പൂരിപ്പിക്കുകയുള്ളൂ. ഫീസ് ആനുകൂല്യങ്ങളുള്ളവർ ഉൾപ്പെടെ എല്ലാ വിദ്യാർത്ഥികളും രജിസ്ട്രേഷൻ സമയത്ത് ഫീസ് അടയ്ക്കണം. വിശദമായ പരീക്ഷാ വിജ്ഞാപനം സർവകലാശാലയുടെ വെബ്സൈറ്റിൽ ലഭ്യമാണ്.
