മുണ്ടക്കയം : കരിനിലത്ത് ശബരിമല തീര്ത്ഥാടകര് സഞ്ചരിച്ചിരുന്ന ബസ് അപകടത്തില്പ്പെട്ടു. ശബരിമല തീർത്ഥാടകരുടെ ബസിന്റെ ബ്രേക്ക് നഷ്ടപ്പെട്ടതാണ് അപകടത്തിന് കാരണം. അപകടത്തിൽ ബസിലുണ്ടായിരുന്ന 20 പേർക്ക് പരിക്കേറ്റു. കരിനിലം അമരാവതി ഇറക്കത്തിൽ ആണ് അപകടം സംഭവിച്ചത്. മുൻപിൽ ഉണ്ടായിരുന്ന മറ്റൊരു മിനി ബസിൽ പോയി ഇടിക്കുകയും തുടർന്ന് ബസ് നിയത്രണം വിട്ട് വീടിന്റെ മതിലിൽ ഇടിച്ചു നിൽക്കുകയും ആയിരുന്നു. ബസ്സ് മതിലില് ഇടിച്ചു നിന്നതിനാലും മറ്റു വാഹനങ്ങള് വരാതിരുന്നതിനാലും വന് അപകടം ഒഴിവായി വലിയൊരു അപകടം തലനാരിഴയ്ക്കാണ് ഒഴിവായതെന്ന് ദൃക്സാക്ഷികൾ പറഞ്ഞു. നാട്ടുകാരും പോലീസും ചേര്ന്ന് അപകടത്തില്പ്പെട്ട അയ്യപ്പഭക്തരെ ആശുപത്രിയിലേയ്ക്കു മാറ്റി. ആന്ധ്ര സ്വദേശികള് ആണ് ബസ്സിലുണ്ടായിരുന്നതെന്ന് പോലീസ് പറഞ്ഞു.
