കോഴിക്കോട്: പ്രവാസികളെ തിരിച്ചെത്തിക്കുന്നതിന് കരിപ്പൂർ വിമാനത്താവളം ഒരുങ്ങുന്നു. വിമാനത്താവളത്തിൽ പുതുതായി ഒരുക്കേണ്ട സൗകര്യങ്ങളെക്കുറിച്ചും സംവിധാനങ്ങളെക്കുറിച്ചും ചർച്ച ചെയ്യാൻ ജില്ലാ കളക്ടറുടെ അധ്യക്ഷതയിൽ യോഗം ചേർന്നു.
പ്രവാസികളുടെ കാര്യത്തിൽ സർക്കാരുകൾ സ്വീകരിക്കുന്നത് മെല്ലെപ്പോക്ക് നയമാണെന്ന് പി.കെ.കുഞ്ഞാലിക്കുട്ടി എം.പി വിമർശിച്ചു. ഗൾഫ് മേഖലയിൽ നിന്ന് ഏറ്റവും കൂടുതൽ പ്രവാസികൾ എത്തുന്ന വിമാനത്താവളമാണ് കരിപ്പൂർ. കൂടുതൽ യാത്രക്കാർ ഒരുമിച്ചെത്തുമ്പോൾ കോവിഡ് പശ്ചാത്തലത്തിൽ നിലവിലെ സൗകര്യങ്ങൾ അപര്യാപ്തമാകും.
ഇത് മുന്നിൽ കണ്ടാണ് ജില്ലാ കളക്ടർ ബന്ധപ്പെട്ട ഉദ്യോഗസ്ഥരുടെ യോഗം കരിപ്പൂരിൽ വിളിച്ചത്. തിരിച്ചെത്തുന്ന പ്രവാസികൾക്ക് ഒരുക്കുന്ന സജ്ജീകരണങ്ങളില് വീഴ്ചയുണ്ടെന്നും ഉടൻ പൂർത്തിയാക്കണമെന്നും പി.കെ കുഞ്ഞാലിക്കുട്ടി എം.പി ആവശ്യപ്പെട്ടു.
The post പ്രവാസികള്ക്ക് സ്വാഗതം ; സ്വീകരിക്കാന് കരിപ്പൂർ വിമാനത്താവളം ഒരുങ്ങുന്നു appeared first on Pathanamthitta Media.
