ബംഗളൂരു : ഈദ് പ്രാര്ത്ഥനയ്ക്കായി മുസ്ലീങ്ങളെ ഒന്നിച്ച് കൂടാന് അനുവദിക്കണമെന്ന് കര്ണാടകയിലെ മുതിര്ന്ന കോണ്ഗ്രസ് നേതാവ് സി. എം ഇബ്രാഹിം. ഈ ആവശ്യമുയര്ത്തി അദ്ദേഹം മുഖ്യമന്ത്രി ബി. എസ് യെദ്യൂരപ്പയ്ക്ക് കത്തെഴുതി. ആരോഗ്യ മേഖലയിലെ വിദഗ്ധരുമായി ചര്ച്ച ചെയ്ത് ഈദുൽ ഫിത്തർ പ്രാര്ത്ഥനയ്ക്കായി ഒന്നിച്ച് കൂടാന് അനുവദിക്കണമെന്നാണ് അദ്ദേഹത്തിന്റെ ആവശ്യം. സംസ്ഥാനത്തെ മുസ്ലീങ്ങളെ ഈദ്ഗാഹ് മൈതാനത്തും മസ്ജിദുകളിലും രാവിലെ മുതല് ഉച്ചയ്ക്ക് ഒരുമണി വരെ ഒരുമിച്ച് പ്രാര്ത്ഥിക്കാന് അനുവദിക്കണം. എല്ലാ മുന്കരുതലുകളും സുരക്ഷാ ക്രമീകരണങ്ങളും എടുത്ത ശേഷം മാത്രം മതി ഇങ്ങനെയൊരു സൗകര്യം ഒരുക്കേണ്ടതെന്നും കത്തില് പറയുന്നു.
