ബെംഗളൂരു: കര്ണാടകത്തില് സര്ക്കാര് ജീവനക്കാരുടെ ക്ഷാമബത്ത കൂട്ടി. 31 ശതമാനത്തില് നിന്ന് 35 ശതമാനത്തിലേക്ക് ആണ് ക്ഷാമബത്ത കൂട്ടിയത്. ഇതനുസരിച്ച് സര്ക്കാര് ജീവനക്കാരുടെ ആകെ ശമ്പളം കൂടും. പെന്ഷനിലും കുടുംബ പെന്ഷനിലും വര്ധന ബാധകമാകും. ഏഴാം ശമ്പള കമ്മീഷന് റിപ്പോര്ട്ട് അനുസരിച്ചാണ് ഇപ്പോള് 35% വരെ ക്ഷാമബത്ത കൂട്ടിയിരിക്കുന്നത്. ജനുവരി മുതല് ഈ വര്ദ്ധന ബാധകമാകും.
സംസ്ഥാനത്ത് കോണ്ഗ്രസ് സര്ക്കാര് രൂപീകരിച്ച് ഒരാഴ്ച പിന്നിടുമ്പോഴാണ് സംസ്ഥാന സര്ക്കാര് ജീവനക്കാര്ക്കുള്ള ഈ വമ്പന് നേട്ടം. എല്ലാ വീടുകള്ക്കും 200 യൂണിറ്റ് സൗജന്യ വൈദ്യുതി (ഗൃഹജ്യോതി), ഓരോ കുടുംബത്തിലെയും സ്ത്രീകള്ക്ക് 2,000 രൂപ (ഗൃഹ ലക്ഷ്മി) പ്രതിമാസ സഹായം, ബിപിഎല് കുടുംബത്തിലെ ഓരോ അംഗത്തിനും 10 കിലോ അരി സൗജന്യം എന്നിങ്ങനെയാണ് കോണ്ഗ്രസ് പ്രകടന പത്രികയില് വാഗ്ദാനം ചെയ്തത്.
