കൊച്ചി: അരിക്കൊമ്പന്റെ സുരക്ഷ ഉറപ്പാക്കണമെന്ന് ആവശ്യപ്പെട്ട് ഹൈക്കോടതിയില് ഹര്ജി. ട്വന്റി-ട്വന്റി ചീഫ് കോഡിനേറ്റര് സാബു എം ജേക്കബാണ് ഹൈക്കോടതിയെ സമീപിച്ചത്. ആനയ്ക്ക് ആവശ്യമായ ചികിത്സ നല്കണമെന്ന് ഹര്ജിയില് ആവശ്യപ്പെടുന്നുണ്ട്. കേന്ദ്ര സര്ക്കാറിനൊപ്പം തമിഴ്നാട് സര്ക്കാറിനെ കൂടി എതിര് കക്ഷിയാക്കിയാണ് ഹര്ജി സമര്പ്പിച്ചിരിക്കുന്നത്.
അരിക്കൊമ്പന്റെ സുരക്ഷ ഉറപ്പാക്കണം, ആവശ്യമായ ചികിത്സ നല്കണം എന്നുള്ളതാണ് ഹര്ജിയിലെ പ്രധാന ആവശ്യം. തുമ്പികൈക്ക് മുറിവേറ്റ കാട്ടാനയുടെ ചിത്രങ്ങള് നേരത്തെ സോഷ്യല് മീഡിയയില് പ്രചരിച്ചിരുന്നു. ഈ പശ്ചാത്തലത്തിലാണ് ഹര്ജി നല്കിയത്.
