ബെംഗലുരു: കര്ണാടകയില് ബിജെപി വീണ്ടും അധികാരത്തിലേക്കെന്ന് അഭിപ്രായ സര്വ്വേ ഫലം. ജന് കീ ബാത്ത് നടത്തിയ ആദ്യ ഘട്ട സര്വ്വേയില് 98 മുതല് 109 സീറ്റുകള് വരെ നേടി ബിജെപി ഏറ്റവും വലിയ ഒറ്റകക്ഷിയാവുമെന്നായിരുന്നു പ്രവചനം. തെരഞ്ഞെടുപ്പിന് മുന്നോടിയായി പ്രധാനമന്ത്രി നരേന്ദ്ര മോദി അടക്കമുള്ളവര് മണ്ഡലത്തിലെത്തിയതിന് പിന്നാലെ നടന്ന സര്വ്വേയിലാണ് കേവല ഭൂരിപക്ഷത്തിലേക്ക് ബിജെപിക്ക് തനിച്ച് എത്താനാവുമെന്ന പ്രവചനം. 100-114 സീറ്റുകള് വരെ ബിജെപിക്ക് തനിച്ച് നേടാനാവുമെന്നാണ് ജന് കീ ബാത്ത് രണ്ടാം ഘട്ട സര്വ്വേ വിശദമാക്കുന്നത്.
കോണ്ഗ്രസ് 86 മുതല് 98 സീറ്റുകള് വരെ നേടിയേക്കും. ജെഡിഎസിന് 20 മുതല് 26 വരെ സീറ്റുകളും മറ്റുള്ളവര്ക്ക് 5 സീറ്റുകള് വരെ നേടാനാകും സാധ്യതയെന്നും സര്വ്വേ പ്രവചിക്കുന്നു. കോസ്റ്റല് കര്ണാടകയും മുംബൈ കര്ണാടകയും ഏറെക്കുറെ പൂര്ണമായും ബിജെപിക്കൊപ്പം നില്ക്കുമെന്നാണ് പ്രവചനം. നേരത്തെ കര്ണാടകയില് കോണ്ഗ്രസ് ഭരണം നേടുമെന്നാണ് എബിപി – സി വോട്ടര് പ്രവചിച്ചത്.
