പത്തനംതിട്ട : എ.ഐ.സി.സി ജനറൽ സെക്രട്ടറി പ്രിയങ്ക ഗാന്ധിയെ അറസ്റ്റ് ചെയ്തതിലും, ഉത്തർപ്രദേശിൽ കർഷക സമരത്തിൽ പങ്കെടുത്ത കർഷകരെ ദാരുണമായി കൊലപ്പെടുത്തിയത്തിലും പ്രതിഷേധിച്ച് കർഷക കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ പത്തനംതിട്ട ഹെഡ് പോസ്റ്റ് ഓഫീസിന് മുന്നിൽ പ്രതിഷേധ ധർണ നടത്തി. ജില്ലാ പ്രസിഡന്‍റ് എം.കെ പുരുഷോത്തമൻറെ അധ്യക്ഷതയിൽ നടത്തിയ പ്രതിഷേധ ധർണ സംസ്ഥാന വൈസ് പ്രസിഡന്‍റ് അഡ്വ.സുരേഷ് കോശി ഉദ്ഘാടനം ചെയ്തു.
ജില്ലാ വൈസ് പ്രസിഡന്‍റ് മലയാലപ്പുഴ വിശ്വംഭരൻ സ്വാഗവും ജില്ലാ വൈസ് പ്രസിഡൻറ് വി.എം ചെറിയാൻ, അടൂർ നിയോജക മണ്ഡലം പ്രസിഡന്‍റ് കെ.വി രാജൻ, ആറന്മുള നിയോജക മണ്ഡലം പ്രസിഡന്‍റ് അജി അലക്സ്, ജനറൽ സെക്രട്ടറിമാരായ നജീർ പന്തളം, മണ്ണിൽ രാഘവൻ, വല്ലാറ്റുർ വാസുദേവൻപിള്ള, ബ്ലോക്ക് കോൺഗ്രസ് പ്രസിഡന്‍റ് അബ്ദുൽ കലാം ആസാദ്, മണ്ഡലം പ്രസിഡന്‍റ് മാരായ ടി.ഡി രാജേന്ദ്രൻ, കെ.എൻ രാജൻ, റോയിസ് പ്രക്കനം, ടി.വി രാജാമണി എന്നിവർ പ്രസംഗിച്ചു.
