കാസര്ഗോഡ് : കാസര്ഗോഡ് സര്ക്കാര് മെഡിക്കല് കോളേജില് ഒപി വിഭാഗം ജനുവരി മൂന്ന് മുതല് ആരംഭിക്കും. രാവിലെ 10 മണിക്ക് ആരോഗ്യ വകുപ്പ് മന്ത്രി വീണാ ജോര്ജ് ഓണ്ലൈന് വഴി ഉദ്ഘാടനം നിര്വഹിക്കും. അക്കാദമിക് ബ്ലോക്കിലായിരിക്കും ഒപി പ്രവര്ത്തിക്കുക. രാവിലെ 9 മണിമുതല് ഉച്ചയ്ക്ക് 1 മണിവരെയാണ് ഒപി പ്രവര്ത്തിക്കുക. മെഡിക്കല്, പീഡിയാട്രിക് ഒപികളാണ് ആദ്യഘട്ടത്തില് ആരംഭിക്കുന്നത്.
ന്യൂറോളജി, റുമറ്റോളജി, നെഫ്രോളജി വിഭാഗം സ്പെഷ്യാലിറ്റി ഡോക്ടര്മാരുടെ സേവനവും ഉറപ്പ് വരുത്തിയിട്ടുണ്ട്. സര്ജറി, ഇഎന്ടി, ഒഫ്ത്താല്മോളജി, ദന്തല് ഒപികള് തുടങ്ങുവാനുള്ള പ്രവര്ത്തനങ്ങള് ആരംഭിച്ചിട്ടുണ്ട്. നിലവിലെ ഒപിയ്ക്കാവശ്യമായ ജീവനക്കാരും മരുന്നുകളും മറ്റ് സാമഗ്രികളും സജ്ജമാക്കിയിട്ടുണ്ട്.
