ഡല്ഹി: ജമ്മു കശ്മീരിലെ കിഷ്ത്വാര് ജില്ലയില് ഹെലികോപ്റ്റര് അപകടത്തില് സൈനികന് വീരമൃത്യു. ടെക്നിക്കല് വിഭാഗത്തിലെ പബല്ല അനില് ആണ് വീരമൃത്യു വരിച്ചത്. എഎല്എച്ച് ധ്രുവ് ഹെലികോപ്റ്ററാണ് അപകടത്തില്പ്പെട്ടത്. ഹെലികോപ്റ്ററില് ഉണ്ടായിരുന്ന മറ്റു രണ്ട് പൈലറ്റുമാര് പരിക്കുകളോടെ രക്ഷപെട്ടു. സൈന്യത്തിന്റെ എ.എല്.എച്ച് ധ്രുവ് ഹെലികോപ്റ്ററാണ് മര്വ ഗ്രാമത്തിന് സമീപം തകര്ന്ന് വീണത്.
ഹെലികോപ്റ്ററില് കമാന്ഡിങ് ഓഫീസറും പൈലറ്റും അടക്കം മൂന്ന് സൈനികാരണ് ഉണ്ടായിരുന്നത്. ഹെലികോപ്റ്ററിന്റെ അവശിഷ്ടങ്ങള് മാര്വ-ദച്ചാന് മരുസുദാര് നദിയില് നിന്ന് കണ്ടെത്തി. അന്വേഷണത്തിന് കോടതി ഉത്തരവിട്ടിട്ടുണ്ടെന്നും കൂടുതല് വിശദാംശങ്ങള് പരിശോധിച്ചുവരികയാണെന്നും സൈന്യം പ്രസ്താവനയില് അറിയിച്ചു. 2 മാസത്തിനിടെ മൂന്നാമത്തെ ധ്രുവ് ഹെലികോപ്റ്ററാണ് അപകടത്തില്പെടുന്നത്.
