കോട്ടയം : ഷാര്ജയിലുണ്ടായ കാറപകടത്തില് മലയാളി നഴ്സിന് ദാരുണ മരണം. കോട്ടയം നെടുംകുന്നം വാര്ഡ് മൂന്ന് കിഴക്കേറ്റം ബാബുവിന്റെ മകള് ചിഞ്ചു ജോസഫാണ് (29) മരിച്ചത്. ദുബൈ മന്ഖൂല് ആസ്റ്റര് ആശുപത്രിയിലെ നഴ്സായിരുന്നു. അല് നഹ്ദയിലാണ് സംഭവം. വ്യാഴാഴ്ച വൈകീട്ട് ജോലി കഴിഞ്ഞ് താമസസ്ഥലത്തേക്ക് മടങ്ങുന്നതിനിടെ റോഡ് മുറിച്ചു കടക്കുമ്പോള് കാറിടിക്കുകയായിരുന്നു. ഉടന് അല് ഖാസിമിയ ആശുപത്രിയില് എത്തിച്ചെങ്കിലും രക്ഷിക്കാനായില്ല. ഭര്ത്താവും നാല് വയസ്സുള്ള മകളുമുണ്ട്.
